لبنانی نژاد امریکی ماڈل جی حدید نے اپنی آئندہ مخصوص آمدنی یوکرینی اور فلسطینی عوام کے لیے عطیہ کرنے کا اعلان کیا ہے۔

جی جی حدید نے روسی حملے سے متاثرہ یوکرینی عوام سے اظہار یکجہتی کے لیے اپنے انسٹاگرام اکاونٹ پر ایک تصویر پوسٹ کی۔

تصویر میں انہوں نے آف وائٹ کلر کا لباس زیب تن کیا ہوا تھا، جبکہ ان کا چہرہ ڈھکا ہوا تھا۔

امریکی ماڈل نے کیپشن میں لکھا کہ میں اور میرے ساتھی اکثر تاریخ کے دل دہلا دینے والے اور تکلیف دہ اوقات میں فیشن کے نئے مجموعے پیش کرتے ہیں۔ ہمارے کام کے زیادہ تر نظام الاوقات پر ہمارا کنٹرول نہیں ہے، لیکن ہم ایک مقصد کے لیے چلنا پسند کریں گے۔

Advertisement

 

Advertisement

Advertisement

View this post on Instagram

Advertisement

Advertisement

Advertisement

 

Advertisement

A post shared by Gigi Hadid (@gigihadid)

جی جی حدید نے اپنی ارجنٹاینی دوست کا حوالہ دیتے ہوئے لکھا کہ اپنی دوست میکائلا کے نقش قدم پر چلتے ہوئے میں رواں موسم خزاں کے شوز کی آمدن یوکرین کے جنگ سے متاثرہ افراد کی مدد کے لیے عطیہ کرنے کا عہد کرتی ہوں اور  ساتھ ہی فلسطین میں جنگ کا سامنا کرنے والوں کی مدد جاری رکھوں گا۔

امریکی ماڈل نے مزید لکھا کہ ہماری آنکھیں اور دل تمام انسانی ناانصافیوں کے لیے کھلے ہونے چاہئیں۔ کاش ہم سب ایک دوسرے کو سیاست ، نسل اور مذہب سے بالاتر ہو کر بھائی بہن کے طور پر دیکھیں، آخر کار جنگوں کی قیمت رہنما نہیں معصوم جانیں چکاتی ہیں۔

جی جی حدید نے اپنے پیغام کے اختتام پر یوکرین اور فلسطین میں امن کے قیام پر بھی زور دیا۔