سونی نے اپنے نئے سونے کا پانی چڑھے واک مین میوزک پلیئر کی رُونمائی کر دی۔ ہائی کوالٹی آڈیو والے اس میوزک پلیئر کی قیمت 3 ہزار 200 ڈالرز ہوگی۔

سونی کے مطابق سونے کا پانی چڑھا، آکسیجن فری تانبے کے چیسز والے NW-WM1ZM2کو ایسا ڈیزائن کرنے کی وجہ اس کی ساؤنڈ کوالٹی کو برقی شور کم کرتے ہوئے بہتر بنانا ہے۔

اس واک مین کا ایک سستا ورژن بھی ہے جس کی قیمت 1600 ڈالرز ہے اور وہ الومینیم الوائے فریم میں آئے گا، وہ بھی برقی شور کو کم کرتا ہے۔

سونی کے مطابق اس ڈیوائس کے دونوں ورژن آئندہ ماہ سے دستیاب ہوں گے۔

دھاتوں کے یہ مہنگے خول وائی فائی کمپیٹیبلیٹی کے ساتھ آئیں اور ایم پی 3 فائلیں اور فلیک اور ایپل لوس لیس فائلیں ان میں چل سکیں گی۔

مہنگے اسمارٹ فونز کے برعکس ان ڈیوائسز میں 3.5 ملی میٹر ہیڈ فون جیک کی ایک پورٹ بھی ہوگی۔

ان ڈیوائسز میں پانچ انچ کی ٹچ اسکرین اور 256 جی بی کا اسٹوریج بھی ہوگا۔

ان ڈیوائسز کے اندر سونی نے آواز کا معیار مزید بہتر بنانے کے لیے اعلیٰ معیاری بریڈڈ کیبلز کا استعمال کیا ہے۔

کمپنی کے مطابق یہ ڈیوائس بغیر رکے 30 گھنٹوں تک بچ سکتی ہے اگر اس میں ہائی ریزولوشن کی آڈیو چلائی جائے یا آُپ کم  کوالٹی کی آڈیو مزید تین گھنٹے چلا سکتے ہیں۔