پیپلزپارٹی کے چیئرمین بلاول بھٹو کا کہنا تھا حکومت کی جانب سے پیپلزپارٹی پر دبائو ڈالا جا رہا ہے۔

چیئرمین پاکستان پیپلز پارٹی بلاول بھٹو نے سابق صدر آصف علی زرداری سے پمز ہسپتال میں ملاقات کی، اس موقعہ پر بلاول بھٹو زرداری نے بتایا میڈیکل بورڈ نے آج سابق صدر کا طبی معائنہ کیا ہے۔

انہوں نے کہا ہے کہ امید ہے گیارہ دسمبر کو عدالتوں سے انصاف ہو گا۔امید ہے آصف زرداری کو وہی طبی سہولیات ملیں گی جو ہر پاکستانی کا حق ہے۔

پیپلز پارٹی تمام تر حکومتی دبائو کا بھرپور مقابلہ کرے گی ۔لیاقت باغ سے سلیکٹڈ حکومت کو للکاریں گے۔طاقت کا سرچشمہ عوام ہے۔عوام کٹھ پتلی تماشے نہیں دیکھنا چاہتی ہے۔عوام اپنے مسائل کا حل چاہتی ہے۔انہوں نے مزید کہا عوام حکومت کی نا اہلیت نہیں دیکھنا چاہتی

وزیر اعظم عمران خان پر تنقید کرتے ہوئے بلاول بھٹو نے کہا آپ ویسے ہی سلیکٹڈ ہیں جیسے ماضی میں آتے تھے ۔حکومت جھوٹ بولنا بند کر کے عوامی مسائل حل کرے۔عوام جس طرف نظر دوڑائے مسائل ہی مسائل ہیں ۔حکومت عوام کے مسائل حل کر سکتی نہ ہی کرنا چاہتی ہے۔۔۔۔۔۔

ڈاکٹر ندیم قمر سابق صدر کے ذاتی معالج ہوں گے، وہ دل کے ماہر ڈاکٹر ہیں

سابق صدر کا فیصلہ کورٹ نے کرنا ہے، اگر رہائی ملی تو ہم سابق صدر کو کراچی منتقل کریں گے

سابق صدر اور نوازشریف کے درمیان فرق ہے ، سابق صدر آج بھی جیل میں ہے اور نوازشریف بیل پر تھے تو باہر گئے تھے۔

اس موقع پر پی پی پی چیئرمین بلاول بھٹو زرداری کا سنیئر رہنما حاجی رحمت اللہ بیھن کے انتقال پر دکھ و افسوس کا اظہار کیا اور مرحوم حاجی رحمت اللہ بیھن کی اپنے حلقے کی عوام اور پارٹی کے لیئے خدمات ناقابلِ فراموش ہیں۔