ویڈیو گیمز کھیلنے کو ہمارے گھروں میں زیادہ اچھا نہیں سمجھا جاتا لیکن ایک نئی تحقیق میں بتایا گیا ہے کہ اس کا ہمارے اوپر حیران کن مثبت اثر ہوتا ہے، یعنی یہ ہمارے پڑھے کی صلاحیت کو بہتر بناتا ہے

یونیورسٹی آف سیسکچیوان کے محققین کا کہنا تھا کہ گیم کھیلنا ممکنہ طور پر توجہ دینے کی صلاحیت کو بہتر کر سکتا ہے جو پڑھنے کی صلاحیت کے لیے ضرورتی ہوتی ہے۔

ایک اخبار سے بات کرتے ہوئے تحقیق کی سربراہ شیلین کریس نے بتایا کہ توجہ کامیاب مطالعے کا ایک اہم حصہ ہے۔ آپ کی آنکھیں پورے صفحے پر ایک منظم انداز میں اسکین کرتی ہیں تاکہ درست طریقے سے الفاظ اور جملوں کو دیکھ سکیں۔

انہوں نے کہا کہ لہٰذا وہ سرگرمیاں جو توجہ کے عمل پر اثر ڈالتی ہیں جیسے کہ ویڈیو گیمز کھیلنا وغیرہ، ان کا مطالعے پر بھی اثر ہوتا ہے۔

تحقیق میں محققین نے یہ سمجھنا شروع کیا کہ کس طرح گیمنگ مطالعے کی صلاحیت پر اثرات مرتب کرتی ہے۔

محققین کو امید ہے کہ ان کو ہونے والی دریافت بہتر ویڈیو گیم ڈیزائن تک لے جا سکتے ہیں جو صحت مند عادات کو فروغ دے سکتے ہیں۔

اس تحقیق سے تھوڑا عرصہ قبل ہی ایک تحقیق منظر پر آئی تھی جس میں بتایا گیا تھا پُرتشدد ویڈیو گیمز، کھیلنے والوںکو حقیقی زندگیمیں زیادہ جارح مزاج نہیں بناتے ہیں۔