گائے کو بھاگتا دیکھنے کا منظر تو سب ہی کو بےحد پسند آتا ہے لیکن اگر گائے ہائی وے پر دوڑنے لگے تو سب کو لوہے کے چنے چبوا سکتی ہے۔

ایسا ہی کچھ ہوا ہے امریکی ریاست کیلیفورنیا جہاں ایک گائے فارم سے بھاگ کر ہائی وے پر آگئی اور اس گائے نے نہ پکڑنے والوں کی دوڑیں لگوائیں ساتھ ہی مسافروں کو گھنٹوں ٹریفک کی لمبی قطاروں میں پھنسا رہنے پر مجبور کر دیا۔

ویڈیو میں دیکھا جاسکتا ہے کہ گائے سڑک پر بھاگ رہی ہے اور اس کے پیچھے پولیس بلکل ایسے دوڑ لگا رہی ہے جیسے کسی کالے چور کو پکڑنا ہو ساتھ ہی لوگ بھی گائے کو پکڑنے میں پولیس کی مدد کر رہے ہیں۔

بعدِازاں گائے کھیتوں میں چلی گئی جہاں کسانوں سے اسے پکڑ لیا۔

ویڈیو میں دیکھا جاسکتا کہ گائے کے کھیت میں جانے کے بعد کسانوں کی جانب سے اس کی رسیاں کھولی جارہی ہیں تاکہ وہ فارم میں جاسکے۔

https://youtu.be/I9DwJdTwyXQ

گائے کے بھاگنے کی یہ ویڈیو سوشل میڈیا پر تیزی سے وائرل ہو رہی ہے اور صارفین کی جانب سے اس پر تبصرے بھی کیے جارہے ہیں۔

ایک صارف نے لکھا کہ ’ارے کیا کبھی انہوں نے گائے کو پکڑا بھی ہے۔‘

جبکہ ایک اور صارف نے لکھا کہ ’ٹرک کے پیچھے نقلی گھوڑے کے بارے میں کوئی بات کیوں نہیں کررہا ہے، میرے ذہن میں اور سوالات بھی ہیں۔