وزیراعظم کے معاون خصوصی برائے صحت ڈاکٹر فیصل سلطان نے کہا ہے کہ صحت کے شعبے میں اصلاحات کی جارہی ہیں۔

تفصیلات کے مطابق  ڈاکٹر فیصل سلطان کی جانب سے پولی کلینک ہسپتال کا دورہ کیا گیا ہے۔

 شعبہ گائنی کا دورہ کرکے گائنی کارڈ کے حصول کا بھی تفصیلی جائزہ لیا گیا اور حصول کارڈ  کی سہولیات کے بارے میں خواتین سے پوچھ گجھ کی گئی۔

اسکے علاوہ ڈاکٹر فیصل سلطان نے بلڈ بینک کا بھی دورہ کیا اور انچارج بلڈ بینک سے درپیش چیلنجز اور صورت حال کے  بارے  میں پوچھا۔

اس موقع پر بات چیت کرتے ہوئے معاون خصوصی برائے صحت ڈاکٹر فیصل سلطان نے کہا کہ وزیراعظم کے ویژن کے مطابق سرکاری ہسپتالوں کی کارکردگی کو مزید  بہتر بنارہے ہیں۔

 ڈاکٹر فیصل سلطان نے کہا کہ صحت کے شعبے میں اصلاحات کی جارہی ہیں، صحت کے شعبے میں بہترین طبی سہولیات کی فراہمی کو یقینی بنارہے ہیں۔

معاون خصوصی برائے صحت نے کہا کہ عوام کو بہترین طبی سہولیات کی فراہمی کیلئے تمام تر وسائل بروئے کار لا رہے ہیں،ڈاکٹرز اور پیرامیڈیکل اسٹاف لگن جزبے سے دکھی انسانیت کی خدمت کریں۔

ڈاکٹر فیصل سلطان نے کہا کہ وزیراعظم کی ہدایت پر  قومی صحت کا دائرہ کار پورے ملک تک پھیلا دیا ہے، صحت کارڈ پی ٹی آئی حکومت کا تاریخی اور انقلابی قدم ہے۔

انہوں نے مزید کہا کہ ساڑھے آٹھ سے زائد اب تک پرائیوٹ اور پبلک ہسپتال صحت کارڈ کے پینل پر موجود ہیں۔