شوبز سے وابستہ چند افراد کی تنقید کے بعد ثنا جاوید کے ساتھی اداکار ان کی حمایت میں سامنے آگئے۔

رپورٹ کے مطابق میک اپ آرٹسٹس، اسٹائلسٹس اور ماڈلز کی جانب سے تنقید کے بعد اب اداکارہ ثنا جاوید کی حمایت کرنے والی شخصیات بھی سامنے آگئیں۔

ثنا جاوید کے خلاف چند دن سے ماڈلز، میک اپ آٹسٹس، اسٹائلسٹس اور اداکاراؤں نے نامناسب رویے کے الزامات لگائے تھے اور اداکارہ نے الزامات لگانے والوں کے خلاف قانونی کارروائی کا اعلان بھی کیا تھا تاہم اب ثنا کے حمایتی بھی ان کے حق میں بول پڑے ہیں۔

شوبز شخصیات اور صحافیوں نے ثنا جاوید کی حمایت کرتے ہوئے اپنا تجربہ شیئر کیا ہے کہ انہوں نے کبھی بھی اداکارہ کو بدتمیز نہیں پایا۔

Advertisement

 

Advertisement

Advertisement

View this post on Instagram

Advertisement

Advertisement

Advertisement

 

Advertisement

A post shared by Nadeem Baig (@nadeembaigg)

ہدایت کار اور فلم ساز ندیم بیگ نے انسٹاگرام پر ثنا جاوید کے ساتھ تصویر شیئر کرتے ہوئے لکھا کہ انہوں نے اداکارہ کے ساتھ ’پیارے افضل‘ سمیت دیگر منصوبوں میں ایک ساتھ کام کیا ہے اور انہوں نے کبھی بھی انہیں ایسی بدتمیزی کرتے ہوئے نہیں پایا بلکہ انہیں ہمیشہ بااخلاق اداکارہ کے طور پر پایا۔

ندیم بیگ نے مزید لکھا کہ وہ جلد ہی ثنا جاوید کے ساتھ مزید منصوبوں پر کام کرنے کے لیے پر امید ہیں۔

ان کی طرح اداکار و میزبان فہد مصطفیٰ نے بھی ثنا جاوید کے ساتھ اپنی تصویر شیئر کرتے ہوئے ان کی حمایت میں ٹوئٹ کی اور اداکارہ کے ساتھ اپنے کام کرنے کا تجربہ بیان کیا۔

I have worked with Sana Javed on various projects and she’s been a part of my show for the last 2 years & in these times I’ve found her extremely professional and humble not just with me but with my team too.
Wish you luck 👍 pic.twitter.com/4kRyrqytEI

— Fahad Mustafa (@fahadmustafa26) March 11, 2022

فہد مصطفیٰ نے لکھا کہ انہوں نے ثنا جاوید کے ساتھ متعدد منصوبوں میں ایک ساتھ کام کیا اور اداکارہ ان کے ساتھ شو میں گزشتہ دو سال سے بھی کام کر رہی ہیں اور انہوں نے کبھی بھی انہیں غیر پیشہ ورانہ نہیں پایا۔

فہد مصطفیٰ نے لکھا کہ نہ صرف انہوں نے بلکہ ان کی ٹیم کے دیگر ارکان نے بھی ثنا جاوید کو بہترین شخصیت کے طور پر جانا، ساتھ ہی انہوں نے اداکارہ کے لیے نیک خواہشات کا اظہار بھی کیا۔

ان کی طرح اداکارہ سعدیہ فیصل نے بھی ثنا جاوید کے ہمراہ کھچوائی گئی تصویر شیئر کرتے ہوئے انہیں باہمت رہنے کا مشورہ بھی دیا۔

سعدیہ فیصل نے لکھاکہ انہوں نے ثنا جاوید کے ساتھ بہت کام کیا اور ان کے ساتھ اچھا وقت گزارا۔

Advertisement

 

Advertisement

View this post on Instagram

Advertisement

Advertisement

Advertisement

Advertisement

 

A post shared by S A D I A F A I S A L (@sadiafaisalofficial)

Advertisement

شوبز انڈسٹری کی دیگر شخصیات جن میں وقاص رضوی اور راسخ اسماعیل خان سمیت دیگر افراد شامل ہیں، انہوں نے بھی ثنا خان کے ساتھ اپنے کام کرنے کا تجربہ بیان کرتے ہوئے ان کی تعریفیں کیں۔

صحافی و شوبز میزبان آمنا عیسانی نے بھی اپنا ذاتی تجربہ بیان کرتے ہوئے ثنا خان کی شخصیت کو بہترین قرار دیا اور کہا کہ ان کے ساتھ اداکارہ کا رویہ بہترین اور اخلاقی تھا۔

ساتھ ہی صحافی نے واضح کیا کہ وہ دیگر شخصیات کے ساتھ ہونے والے معاملات سے متعلق کچھ نہیں کہ سکتیں۔

ان کی طرح صحافی مہوش اعجاز نے بھی لکھا کہ ذاتی طور پر انہوں نے بھی ثنا جاوید کو شائستہ اور اخلاقی شخصیت کے طور پر جانا مگر ساتھ ہی انہوں نے وضاحت کی کہ وہ دیگر افراد کے ساتھ ان کے رویے سے متعلق کچھ نہیں کہ سکتیں۔

Re the #SanaJaved controversy. Sana has been always courteous with me and so have some of the people who have leveled allegations against her. It’s unfortunate to see this play out on social media this way and I’m kind of not really a big fan of the Insta-call-out culture. +

— Mahwash Ajaz 🇵🇰 (@mahwashajaz_) March 11, 2022

انہوں نے اس بات پر بھی دکھ کا اظہار کیا کہ ایک ہی انڈسٹری کے لوگوں نے ایک دوسرے کے خلاف انسٹاگرام پر جنگ شروع کی۔

یاد رہے کہ ثنا جاوید کے خلاف ابتدائی طور پر منال سلیم، ماڈل فریحہ شیخ اور میک اپ آرٹسٹس اکرام گوہر اور ریان تھومس نے نامناسب رویے کے الزامات لگاتے ہوئے انہیں بد اخلاق اور غیر پیشہ ورانہ قرار دیا تھا۔

بعد ازاں میک اپ آرٹسٹ واجد خان، ماڈل ماہ نور شیخ، اداکارہ رابعہ کلثوم، فوٹوگرافر سونیا مشال اور اسٹائلسٹ آرندا طول النور نے بھی ثنا جاویود پر نامناسب رویے کے الزامات عائد کرتے ہوئے انہیں دوسروں کو کم اہم سمجھنے والی خاتون قرار دیا تھا جس کے بعد سوشل میڈیا پر بھی ثنا جاوید پر پابندی لگانے کے لئے ٹرولنگ کی گئی۔