مصطفیٰ کمال نے کہا ہے کہ الیکشن بھی ہوتے جارہے ہیں لیکن مسائل کم نہیں ہورہے ہیں۔

پاک سر زمین پارٹی کے سربراہ مصطفیٰ کمال نے کارکنوں سے خطاب کرتے ہوئے کہا کہ سیاست اور سیاست دان اس ملک میں درست بدنام ہے اور اپنی حرکتوں کی وجہ سے بدنام ہیں،70 سال میں کسی نے یہ نہیں کہا کہ ساتھ دو چوری کریں گے کام نہیں کریں گے۔

انہوں نے کہا کہ سب کہتے آرہے ہیں ساتھ دو آسمان سے تارے توڑ کردیں گے، اگر سیاست دانوں کی باتیں 5 فیصد بھی درست ہوتیں تو شہروں کے یہ حالات نہ ہوتے۔

پاک سر زمین پارٹی کے سربراہ کا کہنا تھا کہ نوجوانوں آج کے دور میں اس شعبے سے تعلق رکھ کر اپنی سچائی کا ثابت کرنا ناممکن ہے، یہی وجہ ہے کہ لوگ پاکستان میں اپنے لیڈروں کے کردار کا تحفظ نہیں کرسکتے۔

پاک سر زمین پارٹی کے سربراہ مصطفیٰ کمال کا یہ بھی کہنا تھا کہ جس کے ہاتھ 25 کروڑ عوام دینے جارہے ہیں اس کا کردار مسئلہ نہیں ہے،5 سال کے بعد جو حکومتیں وعدہ کرکے آتی ہیں وہ کم ہونے چاہیں مگر وہ بڑھ جاتے ہیں۔

انہوں نے کہا کہ وزیراعظم ، وزیر اور ممبر اسمبلی تو بن رہے ہیں جبکہ الیکشن بھی ہوتے جارہے ہیں مسائل کم نہیں ہورہے ہیں بلکہ بڑھ رہے ہیں۔

مصطفیٰ کمال کا کہنا تھا کہ پاکستان میں سیاست ہوتی ہے عہدے حاصل کرنے کے لئے ہوتی ہے، وزیراعظم نے بھی دو چادر میں جانا ہے جس کے پاس کچھ نہیں وہ بھی دوچادر میں جائے گا، قبر میں جائیں گے تو صرف اپنے اعمالوں کے ساتھ جانا ہے۔

پاک سر زمین پارٹی کے سربراہ مصطفیٰ کمال کا مزید کہنا تھا کہ ہمارے حالات کو درست کرنے کے لئے آسمان سے فرشتے نہیں آئیں گے، اگر آپ کہتے ہیں کہ ہمارا کام سیاست نہیں ہے تو پھر سہولیات مت مانگو کیونکہ وہ سیاست دان دے گا۔