معاون خصوصی ڈاکٹر فردوس عاشق اعوان نے کہا ہے کہ حکومت نے 2019-20 کے گھریلو صارفین کے لئے 30 ارب کی سبسڈی رکھی ہے۔

اسلام آباد میں معاون خصوصی اطلاعات فردوس عاشق اعوان نے پریس کانفرنس کرتے ہوئے وفاقی کابینہ کی بریفنگ پیش کی اور بتایا کہ گھریلو صارفین کو دوہزار اٹھارہ انیس میں انیس ارب روپے کی سبسڈی دی گئی ہے اور 2019-20 کے لئے گھریلو صارفین کو تیس ارب روپے کی سبسڈی رکھی گئی ہے۔

ڈاکٹر فردوس عاشق اعوان کا کہنا تھا کہ کلین گرین گیس صارفین تک پہنچانے کے لئے لائحہ عمل پر بھی بات کی گئی ہے اور ساتھ ہدایات جاری کی گئی ہیں کہ سوئی سدرن اور نادرن کے لئے بلنگ کا ایک میکانزم بنایا جائے۔

انکا کہنا تھا کہ گیس اور بجلی کی قیمتوں کے حوالے سے وزارت واٹر اینڈ پاور اور وزارت پٹرولیم سے تفصیلی بریفنگ لی گئی ہے جبکہ تین سو یونٹ تک بجلی صارفین کو دو سو بیالیس ارب روپے کی سبسڈی بھی دی گئی ہے۔

فردوس عاشق اعوان کے مطابق کابینہ کو بتایا گیا کہ زرعی شعبہ کو سو ارب روپے کی سبسڈی فراہم کی جا رہی ہے جبکہ وزیر اعظم نے وزارت سائنس کو دوبارہ سمری لانے کی ہدایت بھی کی ہے جس پر کابینہ ارکان نے کہا بجلی کے ہر کنزیومر کی ریزرویشن ہے کہ عملے کی ملی بھگت سے اضافی یونٹس کا بوجھ صارفین پر ڈالا جاتا ہے۔

انہوں نے بتایا کہ کابینہ اجلاس میں بارہ ایجنڈ آئٹم پیش ہوئے جن میں سے چھ ایجنڈہ آئٹم منظور ہوئے، ایک مؤخر ہوا، ایک کی سمری واپس لی گئی ، ایک منسوخ ہوا ہے۔

معاون خصوصی کا کہنا تھا کہ وفاقی کابینہ کے اجلاس میں عوام کو درپیش مسائل  کے لائحہ عمل کے لئے بحث ہوئی ہے جبکہ حکومت کی پندرہ ماہ کی کارکردگی کا جائزہ بھی لیا گیا ہے۔

واضح رہے کہ اس سے قبل وزیراعظم عمران خان کی زیرصدارت وفاقی کابینہ کا اجلاس ہوا جس میں کےدوران ملکی سیاسی اور معاشی صورتحال پر غور کیا گیا۔

ذرائع کے مطابق وفاقی کابینہ 10 نکاتی ایجنڈے پر غور کئے گئے جب کہ آٹے اور چینی کی ناجائز قیمتیں بڑھانے سے متعلق مسابقتی کمیشن کی رپورٹ وفاقی کابینہ میں پیش کی جائے گی۔

وفاقی کابینہ کو بجلی اور گیس کی قیمتوں سے متعلق بریفنگ دی جائے گی جبکہ اسلام آباد لوکل گورنمنٹ کمیشن کی تشکیل کی منظوری کابینہ ایجنڈا کا حصہ ہے۔