احسن اقبال نے کہا ہے کہ عمران نیازی تحریک عدم اعتماد سے نہیں بچ سکتے۔

مسلم لیگ ن کے رہنما احسن اقبال نے ٹوئٹر پر جاری ایک پیغام میں کہا ہے کہ عمران نیازی دس لاکھ چھوڑ کے 1 کروڑ افراد بھی ڈی چوک پہ اکٹھے کر لیں وہ تحریک عدم اعتماد سے نہیں بچ سکتے چونکہ وہ ایوان میں اکثریت کھو چکے ہیں-

انہوں نے کہا کہ مہنگائی توڑنے والوں کا جتنا بڑا جلسہ کریں گے، مہنگائی کے ستائے اس سے کئی گنا زیادہ آ سکتے ہیں، ہر رکن اسمبلی انشاءاللہ ووٹ ڈالے گا۔

عمران نیازی دس لاکھ چھوڑ کے 1 کروڑ افراد بھی ڈی چوک پہ اکٹھے کر لیں وہ تحریک عدم اعتماد سے نہیں بچ سکتے چونکہ وہ ایوان میں اکثریت کھو چکے ہیں-مہنگائی توڑنے والوں کا جتنا بڑا جلسہ کریں گے مہنگائی کے ستائے اس سے کئی گنا زیادہ آ سکتے ہیں- ہر رکن اسمبلی انشاءاللہ بحفاظت ووٹ ڈالے گا-

Advertisement

— Ahsan Iqbal (@betterpakistan) March 14, 2022

دوسری جانب پاکستان مسلم لیگ (ن) کی ترجمان مریم اورنگزیب نے کہا کہ چور کرپٹ ٹولے نے 27 مارچ کو جلسے کا اعلان کیا ہے، انہیں سمجھ آگئی ہے وہ ممبران کی تعداد پوری نہیں کرسکتے ہیں۔

انہوں نے کہا کہ جن کے 172 لوگ پورے نہ ہورہے ہوں وہ ڈی چوک پر 10 لاکھ لوگ لانے کا حق ہی نہیں رکھتے، ملک کے سلیکٹڈ وزیراعظم نے عوام میں کھڑے ہو کرغریبوں کا تمسخر اڑایا۔

مریم اورنگزیب نے کہا کہ عمران خان صاحب ہمیں معلوم ہے آپکا اعمال نامہ کیا ہے، عوام آپکے مافیاز کی لوٹ مار کا خمیازہ بھگت رہی ہے، آپ ملک میں روزگار اور معیشت کا کباڑہ کرنے آئے تھے، آپ نے قوم کو 22 ہزار ارب کا مقروض بنایا۔

پاکستان مسلم لیگ (ن) کی ترجمان نے کہا کہ آپ ٹھیک کہتے ہیں آپکا آلو پیاز کی قیمتوں سے کوئی سر وکار نہیں، آپ جس 10 لاکھ کا دعویٰ کررہے ہیں، 10 لوگ بھی نہیں آئیں گے۔