وزیرخزانہ نے کہا ہے کہ اے ڈی بی کے تعاون سے توانائی کے شعبے میں اصلاحات پر عمل پیرا ہیں۔

وزیرخزانہ شوکت ترین سے ایشیائی ترقیاتی بینک کے نائب صدر کی ملاقات ہوئی جس میں وزیرخزانہ شوکت ترین نے نائب صدر اے ڈی بی کو ملکی معاشی صورتحال پر آگاہ کیا۔

ملاقات میں وزیرخزانہ نے کامیاب پاکستان پروگرام بارے بھی نائب صدر اے ڈی بی کو آگاہ کیا۔

اس موقع پر وزیرخزانہ شوکت ترین نے کہا کہ اے ڈی بی اصلاحاتی پروگرام میں مختلف منصوبوں میں تعاون کر رہا، اے ڈی بی کے تعاون سے توانائی کے شعبے میں اصلاحات پر عمل پیرا ہیں۔

شوکت ترین کا کہنا تھا کہ دیگر اہم شعبوں میں بھی اصلاحات کے ایجنڈے پر عملدرآمد کیا جا رہا ہے، مستحکم گروتھ حاصل کرنے کیلئے ادارہ جاتی اصلاحات ناگزیر ہیں۔

وزیرخزانہ شوکت ترین کا مزید کہنا تھا کہ ٹیکس نیٹ وسیع ہونے سے ایف بی آر محصولات میں اضافہ ہوا ہے اور سنگل ونڈو آپریشن اور ٹریک اینڈ ٹریس کے نظام سے محصولات میں بہتری آئی۔

ملاقات میں نائب صدر اے ڈی بی کی جانب سے معاشی صورتحال پر اطمینان کا اظہار کیا گیا۔

اے ڈی بی کے نائب صدر نے کہا کہ موجودہ حکومت سماجی اور معاشی ترقی کیلئے اقدامات کر رہی ہے، اے ڈی بی اصلاحاتی پروگرام پر عملدرآمد کیلئے تعاون جاری رکھے گا۔

کنٹری ڈائریکٹر اے ڈی بی اور سیکرٹری خزانہ و دیگر حکام بھی ملاقات میں شریک ہوئے۔