بالی وُڈ کے معروف اداکار عامر خان اور جوہی چاولہ کی زندی میں ایک وقت ایسا بھی آیا جب ان کے مداحوں نے ان کی گاڑی پر اینٹ دے ماری۔

بھارتی میڈیا رپورٹ کے مطابق بالی ووڈ مسٹر پرفیکٹشنسٹ عامر خان کی سالگرہ کے موقع پر ان کی فلم ’قیامت سے قیامت‘ تک کی کامیابی کی پروموشن کے دوران ہونے والا ایک واقعہ پھر سے میڈیا کی توجہ کا مرکز بن گیا ہے۔

عامر خان کے ساتھ فلم لگان میں کام کرنے والے بھارتی اداکار راج زوتشی نے گزشتہ سال فلم’لگان‘ کے 20 سال مکمل  ہونے پر ایک انٹرویو کے دوران فلم’قیامت سے قیامت‘ کے بعد اپنے زندگی میں آنے والی بڑی تبدیلی کے بارے میں بات کرتے ہوئے بتایا کہ اکثر فنکاروں کے مداح جوش میں ان ہی کے لئے خطرناک بن جاتے ہیں۔

اُنہوں نے فلم ’قیامت سے قیامت‘ سے کے پروموشنز کے دوران عامر خان اور جوہی چاولہ کے ساتھ پیش آنے والے ایک عجیب واقعہ کا ذکر کرتے ہوئے کہا کہ ’تمام نوجوان اور نئے چہروں کے ساتھ فلم (قیامت سے قیامت تک) نے ریلیز ہوتے ہی ملک میں طوفان برپا کردیا تھا‘۔

اُنہوں نے مزید بتایا کہ’اس زمانے میں، 50 ہفتوں تک فلم کا سینما گھروں میں چلنا ایک بہت بڑی کامیابی تھی، چنانچہ جب اس فلم کو باقاعدہ ہٹ قرار دیا گیا تو فلم کے پروڈکشن ہاؤس، ناصر حسین فلمز نے ڈائریکٹر منصور خان کے ساتھ مل کر سامعین سے بات چیت کرنے کے لیے ہندوستان کے مختلف شہروں کے دورے پر جانے کا سوچا‘۔

راج زوتشی نے بتایا کہ’جب ٹیم بنگلور پہنچی تو منتظمین انہیں یاد دلانے کے لیے اسٹیج پر آئے کہ انہیں اگلے تھیٹر جانا ہے، لیکن مداح چاہتے تھے کہ ٹیم کچھ دیر اور وہاں پر رُکے‘۔

انہوں نے بتایا کہ’ یہ بات محسوس کرتے ہوئے کہ سامعین غصّے کا اظہار کرسکتے ہیں، تو انہیں سنیما ہال کے اہلکاروں نے پچھلے دروازے سے باہر نکلنے کو کہا‘۔

’اُنہیں یاد ہے کہ وہ منصور صاحب اور ڈرائیور کے ساتھ گاڑی میں آگے بیٹھے تھےجبکہ عامر اور جوہی پیچھے بیٹھے تھے، جیسے ہی گاڑی کو لوگوں نے سنیما حال سے نکلتے ہوئے دیکھ لیا‘۔

Advertisement

 

Advertisement

Advertisement

View this post on Instagram

Advertisement

Advertisement

Advertisement

 

Advertisement

A post shared by Sudarshan (@notwhyral)

راج نے انکشاف کیا کہ ’مداحوں نے ہمیں روکنے کے لیے چھت کے اوپر سے ایک اینٹ کھینچ کر گاڑی پر ماری جس کی وجہ سے گاڑی کی ونڈشیلڈٹوٹ گئی‘۔

انہوں نے بتایا کہ یہ واقعہ ان کی، عامر اور جوہی کی ایک حیرت میں ڈال دینے والی یادگار میں سے ایک ہے۔

یاد رہے کہ بالی ووڈ کی مشہور فلم’قیامت سےقیامت تک‘جوکہ 1988 میں ریلیز کی گئی تھی اپنے وقت کی کامیاب ترین فلم تھی جس میں اداکار عامر خان اور جوہی چاولہ نے مرکزی کردار نبھائے تھے۔

 اس فلم کو 1991 میں چین میں بھی ریلیز کیا گیا تھا، یہ چین میں پریمیئر ہونے والی عامر خان کی پہلی فلم تھی۔

 واضح رہے کہ گزشتہ روز عامر خان اور ان کے مداحوں نے ان کی 57 ویں سالگرہ منائی اور اس موقع پر عامر خان ٹوئٹر پر ٹاپ ٹرینڈ بنے رہے۔