اینٹی کرپشن پنجاب کے چھاپے؛ بلڈنگ انسپکٹر سمیت 4 افراد گرفتار

ویب ڈیسک

15th Mar, 2022. 06:24 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اینٹی کرپشن پنجاب کے چھاپے؛ بلڈنگ انسپکٹر سمیت 4 افراد گرفتار

اینٹی کرپشن پنجاب نے مختلف اضلاع میں کرپٹ عناصر کے خلاف کارروائی کرتے ہوئے بلڈنگ انسپکٹر اور پٹواری سمیت 4 افراد کو گرفتار کر لیا ہے۔

تفصیلات کے مطابق ترجمان اینٹی کرپشن پنجاب کا کہنا ہے کہ میٹرو پولیٹن کارپوریشن بہاولپور کے بلڈنگ انسپکٹر کو رشوت وصول کرتے ہوئے رنگے ہاتھوں گرفتار کیا گیا۔

ترجمان کے مطابق ملزم محمد شبیر منور نے شہری سے گھر کا نقشہ منظور کروانے کیلئے 30 ہزار روپے رشوت وصول کی، مظفر گڑھ سے پٹواری کو ایک لاکھ روپے رشوت وصول کرنے پر گرفتار کر لیا گیا۔

ترجمان نے بتایا کہ پٹواری مقصود احمد نے درخواست گزار کی جائیداد سے متعلق عدالتی سٹے آرڈر کا اندراج کرنے کیلئے رشوت وصول کی، مقصود احمد کے خلاف تھانہ اینٹی کرپشن مظفر گڑھ میں مقدمہ 07 /2022 درج کر کے گرفتار کیا گیا۔

ترجمان کا کہنا ہے کہ شہری کی 40 کنال زمین پر قبضہ کا منصوبہ ناکام بناتے ہوئے اینٹی کرپشن پنجاب نے پٹواری اعجاز حسین اور ملزم شمشیر احمد کو لیہ سے گرفتار کر لیا، شمشیر احمد نے پٹواری اعجاز حسین کی ملی بھگت سے موضع نواں کوٹ میں واقع 40 کنال زمین کے جعلی کاغذات تیار کروائے۔

ترجمان اینٹی کرپشن پنجاب کے مطابق شہری کی درخواست پر ملزمان کے خلاف تھانہ اینٹی کرپشن لیہ میں مقدمہ درج کیا گیا ہے۔