لوگوں کو تسلیم کرنا چاہیے کہ یوکرین نیٹو میں شامل نہیں ہوگا، صدر زیلنسکی

ویب ڈیسک

15th Mar, 2022. 08:43 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لوگوں کو تسلیم کرنا چاہیے کہ یوکرین نیٹو میں شامل نہیں ہوگا، صدر زیلنسکی

یوکرینی صدر کا کہنا ہے کہ لوگوں کو تسلیم کرنا چاہیے کہ یوکرین نیٹو میں شامل نہیں ہوگا۔

بین الاقوامی خبر رساں ادارے کے مطابق ایک ویڈیو کانفرنس کے دوران یوکرین کے صدر ولادیمیر زیلنسکی نے کہا کہ ان کے ملک کو یہ قبول کرنا چاہیے کہ وہ امریکا کی قیادت میں نیٹو فوجی اتحاد کا رکن نہیں بنے گا۔

انہوں نے فوجی حکام سے گفتگو کرتے ہوئے کہا کہ یہ ایک اہم روسی تشویش ہے جو اس نے اپنے حملے کو جواز فراہم کرنے کے لیے استعمال کی تھی۔

یہ بھی پڑھیں: روس نے یوکرین کا سمندری راستے سے عالمی رابطہ منقطع کر دیا

ولادیمیر زیلنسکی نے کہا کہ یوکرین نیٹو کا رکن نہیں ہے اور ہم یہ بات سمجھتے ہیں۔ ہم نے برسوں سے سنا ہے کہ دروازے کھلے تھے، لیکن ہم نے یہ بھی سنا ہے کہ ہم اس میں شامل نہیں ہو سکتے۔ یہ ایک سچائی ہے اور اسے تسلیم کیا جانا چاہیے۔

واضح رہے کہ روس یوکرین تنازعہ کے آغاز سے اب تک سینکڑوں ہلاکتیں ہوچکی ہیں اور لاکھوں لوگ نقل مکانی پر مجبور ہوئے ہیں۔