وزیراعلیٰ پنجاب  سردار عثمان بزدار نے کہا ہے کہ ہم نے وزیر اعظم عمران خان کے وژن کے مطابق اورنج لائن پراجیکٹ منصوبے کو بند کرنے کی بجائے مکمل کیا ہے اور انشاءاللہ ٹیسٹ رن کےبعد اورنج لائن پراجیکٹ مکمل طور پر فنکشنل ہو جائےگا۔

تفصیلا ت کے مطابق سماجی رابطہ کی وئب سائٹ  ٹوئٹر پر اپنی ایک ٹوئٹ میں وزیراعلیٰ پنجاب  سردار عثمان بزدار  کا کہنا تھا کہ پاکستان میں ہمیشہ یہ رواج رہا کہ نئی حکومت آتے ہی پچھلی حکومتوں کے شروع کردہ تمام منصوبے بند کر دیتی تھی چاہے اس سے قوم کے اربوں کھربوں روپے ضائع ہوں۔

  ‏وزیراعلیٰ پنجاب  سردار عثمان بزدار کا یہ بھی کہنا تھا کہ پاکستان تحریک انصاف کی حکومت  ماضی کے سیاستدانوں کی طرح  سیاسی فائدے کے لیے کسی منصوبے کو بند نہیں کرے گی اور نا ہی پنجاب میں کوئی منصوبہ اس طرح بغیر  منصوبہ بندی کے شروع کیا جائے گا۔

واضح رہے کہ اس سے قبل وزیراعلیٰ پنجاب سردار عثمان بزدار سے ارکان اسمبلی اور پی ٹی آئی ٹکٹ ہولڈرز نے وزیر اعلیٰ ہاؤس میں ملاقاتیں کیں تھی۔

وزیراعلیٰ پنجاب سردارعثمان بزدار نے کہا تھا کہ پنجاب لینڈ ریکارڈ اتھارٹی کے ذریعے پٹوار کلچر تبدیل کرنے کا وعدہ پورا کریں گے۔

وزیراعلیٰ پنجاب نے یہ بھی کہا تھا کہ پنجاب لینڈ ریکارڈ اتھارٹی اور بینکوں کا سروس لیول ایگریمنٹ اہم سنگ میل ہے جبکہ بینکوں اور مالیاتی اداروں کو ڈیجیٹل لینڈ ریکارڈ کے سنٹرل ڈیٹا بیس سے محفوظ لنک دیا گیا ہے۔

وزیراعلیٰ پنجاب سردارعثمان بزدار نے مزید کہا تھا کہ بینکوں میں تصدیق کے بعد کاشتکار یا دیگر کاروباری حضرات آسانی سے قرضے حاصل کر سکیں گے جبکہ بینک فردملکیت، انتقال اراضی،رجسٹری اور دیگر متعلقہ دستاویزات کی تصدیق کر کے لون پراسیس مکمل کرسکیں گے۔