مہینوں کے انتظار کے بعد ایپل نے بالآخر اس ہفتے آئی فونز کے لیے آئی او ایس 15.4 اپ ڈیٹ جاری کر دی۔

ان اپ ڈیٹ کیے جانے والے فیچرز میں 37 نئے ایموجیز، ایپل کے اسمارٹ اسسٹنٹ سِری کے لیے جینڈر-نیوٹرل آواز اور چہرے پر سے ماسک ہٹائے بغیر فون کو اَن لاک کرنے کی صلاحیت شامل ہے۔

جہاں متعدد آئی فون صارفین نے فوراً ہی اپ ڈیٹس ڈاؤن لوڈ کیں، وہیں کئی صارفین یہ شکایت کی کہ آئی او ایس 15.4 ان کی بیٹری کے دورانیے کو متاثر کر رہا ہے۔

ٹوئٹر پر پوسٹ کرتے ہوئے ایک صارف نے لکھا کہ آئی او ایس 15.4 کے سبب بیٹری کا خرچ ہوجانا بالکل مضحکہ خیز ہے۔ ایپل پہلی بار میں کیوں صحیح چیز جاری نہیں کرتا۔ 10 منٹ میں پانچ فی صد بیٹری کم ہوچکی ہے۔

ایک اور صارف نے ایک تصویر پوسٹ کی کہ کس طرح اپ ڈیٹ انسٹال کرنے کے بعد سے ان کے فون کی بیٹری تیزی سے کم ہوئی ہے۔

انہوں نے لکھا ’ایس او ایس ایپل۔ بیٹری بہت تیزی سے کم ہو رہی ہے۔‘

ایک صارف نے لکھا ’میرے آئی او ایس 15.4 اپ ڈیٹ کرنے کے بعد میری بیٹری بہت تیزی سے ختم ہوئی۔‘

زی ڈی نیٹ کے ایک ماہر ایڈرائن کِنگسلے-ہیوز کے مطابق نئے او ایس کی انسٹالیشن سے پسِ منظر میں کئی سرگرمیاں شروع ہوجاتی ہیں اور یہ کئی گھنٹوں یا دنوں تک جا سکتا ہے۔