احتساب عدالت نے شہباز شریف، حمزہ شہباز سمیت اہل خانہ کی جائیدادیں منجمد کرنے کا حکم دے دیا۔

احتساب عدالت لاہور میں شہباز شریف، سلمان شہباز، حمزہ شہباز سمیت دیگر فیملی ممبران کی جائیدادیں منجمد کرنے کی درخواستوں پر سماعت ہوئی۔

عدالت نے شہباز شریف اور ان کے اہل خانہ کے اثاثے منجمند کرنے کا حکم دے دیا۔  ملزمان 14 روز میں عدالتی فیصلے کے خلاف اعتراضات دائر کرسکتے ہیں۔

تفصیلات کے مطابق احتساب عدالت نے بدھ کے روز پاکستان مسلم لیگ (ن) کے صدر شہباز شریف اور ان کے اہل خانہ     کے 9 افراد سے وابستہ اثاثے منجمد کرنے کا حکم دے دیا۔

احتساب عدالت کے جج چوہدری امیر محمد خان نے آج کی سماعت کے دوران ہدایات منظور کیں۔

قومی احتساب بیورو (نیب) کے خصوصی استغاثہ حافظ اسداللہ اعوان نے کہا ، “شہباز شریف اور ان کے اہل خانہ کے خلاف آمدنی کیس اور منی لانڈرنگ سے ماوراء اثاثوں کے حوالے سے تحقیقات جاری ہیں۔

“اسد اللہ  اعوان نے مزید کہا کہ شہباز نے منی لانڈرنگ کے ذریعے اربوں مالیت کی جائیدادیں بنائیں۔ لہذا شہباز ، ان  کے اہل خانہ  کے اثاثے ضبط کیے جائیں۔

نیب کے مطابق ملک میں مختلف مقامات پر کم سے کم 23 جائیدادیں   شہباز   شریف  ، ان کے اہل  خانہ  کے   نام سے ملی ہیں۔نیب لاہور نے اس سے قبل صوبے کے سابق وزیر اعلی اور ان کے اہل  خانہ     کے ممبروں کے اثاثے منجمد کرنے کے لئے 15 درخواستیں دائر کی تھیں۔

واضح رہے کہ عدالت نے شہباز شریف، حمزہ شہباز، سلمان شہباز سمیت دیگر فیملی ممبران کی جائیداد یں  منجمد کرنے کی درخواست پر فیصلہ کل   محفوظ کرلیا  تھا۔