گوگل نے اپنے صارفین کی سیکیورٹی کو بہتر بنانے کے لیے ایک اور نیا متعارف کرایا ہے ، جس سے صارفین کو پہلے سےزیادہ تحفظ کا احساس ہوگا۔

تفصیلات کے مطابق گوگل نے حال ہی  میں براﺅزر کروم میں کئی نئے فیچرز کا اضافہ کیا  ہےجس سے  تمام صارفین کو بہت زیادہ  فوائد حاصل ہوں گے۔

گوگل نے حال ہی میں ایک  نیا فیچر متعارف کرایا ہے، یہ نیا فیچر صارفین کو پاس ورڈ چوری ہونے کی صورت میں آگاہ کرتا ہے۔

گوگل نے اپنے  ایک بلاگ میں بتایا  ہے کہ یہ وہ فیچر ہے جس پر کچھ عرصے سے کام کیا جارہاتھا ۔

اس کا آغاز رواں سال فروری میں ایک ایکسٹیشن کی شکل میں ہوا جبکہ اکتوبر میں اس فیچر کو براہ راست گوگل اکاﺅنٹ کا حصہ بنادیا گیا۔

اس کے علاوہ پاس ورڈ کو دوبارہ استعمال کرنے پر بھی اسے بدلنے کا مشورہ دیا جائے گا۔

گوگل کروم میں پہلے ہی ایک فیچر موجود ہے جو صارفین کو کسی ویب سائٹ کی جانب سے معلومات چوری کرنے کی کوشش سے خبردار کرتا ہے۔

 تاہم گوگل کا کہنا ہے کہ نئے فیچر کے ذریعے ممکنہ خطرے سے آگاہ کرنے کی صلاحیت کو 30 فیصد مزید بہتر بنایا گیا ہے۔

یاد رہے کہ پہلے اس فیچر کو وہی لوگ استعمال کرسکتے تھے جنہوں نے کروم sync فیچر ان ایبل کررکھا تھا مگر اب یہ تمام صارفین کے لیے ہوگا۔

واضح رہے کہ کمپنی کا کہنا ہے کہ یہ فیچر ان تمام پاس ورڈز کے لیے بھی کام کرے گا جو آپ نے کروم کے بلٹ ان پاس ورڈ مینیجر میں محفوظ کررکھے ہوں گے۔