وزیراعظم نے پاکستانیوں کے لیے ایک ویژن متعارف کروا دیا ہے، علی نواز اعوان

ویب ڈیسک

20th Mar, 2022. 09:58 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعظم نے پاکستانیوں کے لیے ایک ویژن متعارف کروا دیا ہے، علی نواز اعوان

علی نواز اعوان نے کہا ہے کہ وزیراعظم نے پاکستانیوں کے لیے ایک ویژن متعارف کروا دیا ہے۔

تحریک انصاف کے رہنماء علی نواز اعوان نے اپنے بیان میں کہا کہ ویژن تو متعارف ہو گیا ہے، اب پاکستانیوں کو سوچنا ہو گا کہ کس سمت ہمیں جانا ہے؟ شہباز شریف، مولانا فضل الرحمان، آصف زرداری کا ساتھ دینا ہے یا پاکستان کی ترقی کا سوچنا ہے؟

ان کا کہنا تھا کہ ہمیں سوچنا ہے زرداریوں کے پیٹ سے ہیسہ نکالنے والوں، سندھ کو برباد کرنے والوں کا ساتھ دینا ہے یا نو مور اسلام و فوبیا کے خلاف ہونے کو ثابت کرنا ہے۔

انہوں نے کہا کہ 27 مارچ کے جلسے کا اسلام آباد استقبال کرے گا اور تیاریوں کا آغاز کر دیا گیا ہے، عمران خان اور تحریک انصاف کا ووٹ لے کر بہت سے نمائندوں کا ضمیر جاگے گا اور وہ واپس آئیں گے۔

علی نواز نے کہا کہ پاکستان اب کبھی کسی کے آگے سر نہیں جھکائے گا اور خودمختاتی قائم رکھے گا۔

ان کا کہنا تھا کہ جن لوگوں نے 2018 میں ہمیں جوائن کیا وہ اس وقت کسی پارٹی کا حصہ نہیں تھے، شوکاز نوٹس بھیج چکے ہیں سات دن میں واپس آنے کا چانس ہے، صبح کا بھولا جب شام کو گھر واپس آئے تو اسے بھولا نہیں کہتے۔

انہوں نے مزید کہا کہ عمران خان ایسے لوٹوں کی وہ درگت بنائے گا کہ وہ آئندہ سیاست میں حصہ نہیں لے سکیں گے۔