اپوزیشن کا واحد ایجنڈا صرف سیاسی انتشار پھیلانا ہے، عثمان بزدار

ویب ڈیسک

21st Mar, 2022. 05:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اپوزیشن کا واحد ایجنڈا صرف سیاسی انتشار پھیلانا ہے، عثمان بزدار

عثمان بزدار نے کہا ہے کہ اپوزیشن کا واحد ایجنڈا صرف سیاسی انتشار پھیلانا ہے۔

وزیراعلیٰ پنجاب سردار عثمان بزدار سے اراکین پنجاب اسمبلی سمیع اللہ چوہدری، ملک تیمور مسعود، کرنل (ر) غضنفر عباس شاہ اور آصف کاٹھیا نے ملاقات کی جس میں باہمی دلچسپی کے امور، سیاسی صورتحال اور حلقوں میں جاری ترقیاتی اسکیموں کے حوالے سے تبادلہ خیال کیا گیا۔

چیف وہیپ پنجاب اسمبلی ایم پی اے سید عباس علی شاہ بھی اس موقع پر موجود تھے۔

عثمان بزدار نے کہا کہ اپوزیشن کا واحد ایجنڈا صرف سیاسی انتشار پھیلانا ہے، مخالفین سیاسی افراتفری پیدا کرکے عوام کے روشن مستقبل سے کھیل رہے ہیں، اپوزیشن تحریک عدم اعتماد کی یقینی ناکامی دیکھ کر بوکھلاہٹ کاشکار ہے۔

وزیراعلیٰ پنجاب نے کہا کہ عوام باشعور ہیں اوروہ سیاسی افراتفری پھیلانے کی کسی کوشش کا حصہ نہیں بنیں گے، وزیراعظم عمران خان کی قیادت میں ہم سب متحد ہیں، میرے دروازے تمام عوامی نمائندوں کیلئے ہمہ وقت کھلے ہیں۔