بھارتی معروف اداکارہ رانی مکھرجی نے انکشاف کیا ہے کہ انہیں پیدائش کے وقت کسی اور بچے سے تبدیل کر دیا گیا تھا۔

بھارتی میڈیا رپورٹ کے مطابق بالی وڈ کی نامور اداکارہ رانی مکھرجی ایک انٹرویو میں یہ انکشاف کیا ہے کہ پیدائش کے وقت انہیں ایک دوسرے بچے سے تبدیل کر دیا گیا تھا۔

بھارتی میڈیا کے مطابق اداکارہ نے بتایا کہ ان کے والدین بتاتے ہیں کہ ان کی پیدائش کے وقت اسپتال میں ایک انتہائی دلچسپ صورت حال پیدا ہو گئی تھی۔

انہوں نے کہا کہ جب میں پیدا ہوئی تو اسپتال میں ایک پنجابی فیملی کی بچی کے ساتھ تبدیل ہو گئی تھی۔

رانی نے بتایا کہ جب میری والدہ کرشنا مکھرجی کو اس بات کا احساس ہوا تو انہوں نے اسپتال میں شور شرابا شروع کر دیا اور کہا کہ یہ میری بیٹی نہیں ہے، میری بیٹی کی آنکھیں براؤن تھیں جبکہ اس کی آنکھیں براؤن نہیں ہیں۔

رانی مکھرجی نے بتایا کہ والدہ نے مجھے اسپتال میں ڈھونڈنا شروع کر دیا اور انہوں نے مجھے ایک پنجابی فیملی کے کمرے میں موجود پایا جن کے ہاں آٹھویں بچے کی پیدائش ہوئی تھی۔

اداکارہ نے کہا مزاحیہ انداز میں کہا کہ اب گھر والے مجھے مذاق میں کہتے ہیں کہ اصل میں تم ایک پنجابی ہو لیکن غلطی سے ہماری فیملی میں آ گئی ہو۔

یاد رہے کہ رانی مکھرجی بھارت کی ان اداکاراؤں میں سے ایک ہیں جنہیں دنیا بھر میں موجود اپنے مداحوں کے دلوں پر راج کرتی ہیں۔