سعودی عرب کی وزارت خارجہ کے ترجمان کے بیان کے بعد عالمی مارکیٹ میں تیل کی قیمتوں میں اضافہ ہو گیا ہے۔
سعودی عرب کی وزارت خارجہ نے عالمی برادری کو انتباہ جاری کیا تھا کہ حوثی باغیوں کی جانب سے تیل تنصیبات پر حملوں سے تیل کی فراہمی متاثر ہو سکتی ہے۔
بین الاقوامی میڈیا کے مطابق برطانوی برینٹ کروڈ آئل کی قیمت 6.1 فیصد اضافے کے بعد 114.55 ڈالر فی بیرل پر پہنچ گئی جبکہ امریکی خام تیل ویسٹ ٹیکساس انٹرمیڈیٹ 5.5 فیصد منہگا ہوکر 110.48 ڈالر فی بیرل پر پہنچ گیا ہے۔
سعودی عرب نے عالمی برادری کو متنبہ کیا تھا کہ تیل کی فراہمی میں تاخیر کا ذمہ دار سعودی عرب نہیں ہو گا۔
سعودی عرب کی وزارت داخلہ کے ترجمان کا کہنا تھا کہ حوثی باغیوں کے مملکت کی تیل تنصیبات پر بڑھتے ہوئے حملوں کے باعث تیل کی فراہمی متاثر ہو سکتی ہے۔
Advertisement
وزارت داخلہ کے ترجمان کا کہنا تھا حوثی باغی حملوں کے لئے جدید ڈرون استعمال کر رہے ہیں، جبکہ حوثی باغیوں کو مکمل ایرانی حمایت حاصل ہے۔
واضح رہے کہ گزشتہ ماہ یوکرین پر روس کے حملے کے بعد تیل کی قیمتیں بلند ترین سطح پر پہنچ گئی تھیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
