بھارتی اداکارہ شفالی شاہ نے عامر خان کو لو لیٹر بھیجنے کا انکشاف کیا ہے۔

بھارتی میڈیا رپورٹ کے مطابق بھارتی اداکارہ شیفالی شاہ نے انکشاف کیا ہے کہ وہ زمانہ طالب علمی سے عامر خان کو بے حد چاہتی تھیں۔

حال ہی میں ایک انٹرویو کے دوران شیفالی نے انکشاف کیا کہ انہیں عامر خان سے محبت تھی، جو ان کی ڈیبیو فلم کے اسٹار بھی تھے۔

شفالی نے بتایا کہ میں نے عامر خان کو ایک پیار بھرا خط لکھا تھا جبکہ اپنی ایک تصویر بھی انہیں ارسال کی تھی۔

انٹرویو کے دوران اداکارہ نے اپنا ماضی یاد کرتے ہوئے کہا کہ ہم دونوں ہی فلم رنگیلا میں تھے، لیکن ہم دونوں کا کوئی سین ساتھ میں نہیں تھا۔

جب انٹرویو کی میزبان نے شیفالی سے یہ پوچھا کہ کیا عامر خان یہ جانتے ہیں کہ کوئی انہیں اتنا چاہتا ہے تو انہوں نے جواب دیا کہ میں نہیں جانتی۔

یاد رہے کہ شیفالی شاہ نے رام گوپال ورما کی فلم رنگیلا سے اپنے فلمی کیریئر کا آغاز کیا تھا، 1995 میں ریلیز ہونے والی اس فلم میں عامر خان کے علاوہ ارمیلا ماٹونڈکر اور جیکی شیروف نے بھی مرکزی کردار نبھائے تھے۔

تاہم اس فلم میں شفالی کو زیادہ سین نہیں ملے تھے جس کی وجہ سے انہوں نے شوٹنگ کے چار روز بعد اس فلم کو یہ کہتے ہوئے چھوڑ دیا تھا کہ اس میں انہیں وہ کردار نہیں ملا جس کے بارے میں بتایا گیا تھا۔