سجل علی اور احد رضا میر کی علیحدگی کی خبر سُن کر مداح صدمے سے چل بسی۔

رپورٹ کے مطابق پاکستان شوبز انڈسٹری کی معروف جوڑی احد رضا میر اور سجل علی کی طلاق کی خبروں کا سُن کر اُن کی ایک خاتون مداح صدمے سے چل بسیں۔

یہ دعویٰ انسٹاگرام پر موجود سجل علی اور احد رضا میر کے فین پیج forever.sahad کی جانب سے کیا گیا ہے۔

سجل علی اور احد رضا میر کے فین پیج کی جانب سے شئیر کردہ اس پوسٹ میں بتایا گیا ہے کہ سجل اور احد کی مداح ‘سارہ’ کا انتقال ہوگیا ہے، یہ جوڑی اس کے جینے کی آخری امید اور خوشی کی وجہ تھی۔

پوسٹ میں بتایا گیا ہے کہ سارہ سجل اور احد کی طلاق کی خبروں کا سن کر یہ صدمہ برداشت نہیں کر سکیں، پوسٹ میں ایڈمن نے یہ بھی درج کیا کہ میں ہمیشہ اسی شرمندگی کے ساتھ جیتی رہوں گی کہ سارہ کا پیغام سجل اور احد کو نہیں پہنچا سکی۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by forever.sahad (@forever.sahad)

تاہم پوسٹ میں مذکورہ پیغام کا تذکرہ نہیں کیا گیا۔

اس پوسٹ میں احد اور سجل کے فین پیج کی جانب سے سوشل میڈیا صارفین سے یہ درخواست بھی کی گئی ہے کہ برائے مہربانی سجل اور احد کے انسٹاگرام اکاؤنٹس کو ٹیگ کریں تاکہ ان تک یہ پوسٹ پہنچ جائے۔

پوسٹ کے کیپشن میں لکھا گیا کہ ‘مجھے یقین نہیں آرہا کہ میری دوست دنیا سے جاچکی ہے، میرے ہاتھ کپکپانے لگے جب اس کے اہلخانہ نے مجھے اس کی موت کی خبر دی۔ ‘

یہاں دلچسپ بات یہ ہے کہ سجل علی نے خود بھی اپنے آفیشل اکاؤنٹ سے اس فین پیج کو فولو کیا ہوا ہے۔

یاد رہے کہ حال ہی میں معروف خاتون صحافی آمنہ عیسانی نے ذرائع کا حوالہ دیتے ہوئے بتایا کہ دونوں اداکاروں کے درمیان شادی ختم ہوگئی ہے اور ان کی طلاق ہوچکی ہے۔