وفاقی وزیر فواد چوہدری نے کہا ہے کہ دینا میں وہی معاشرے ترقی کرتے ہیں جہاں عوام کے ساتھ انصاف کیا جاتا ہو۔

 سماجی رابطے کی ویب سائٹ پر وفاقی وزیر نے عثمان مرزا کیس کے فیصلے کے متعلق بات کی ہے۔

عثمان مرزا کیس میں متاثرہ لڑکی اور نوجوان کے منحرف ہونے کے باوجود عمر قید کی سزا جدید ٹیکنالوجی کی بطور شہادت قبولیت کی انتہائ خوش آئند ہے، وہی معاشرے ترقی کا زینہ چڑھتےہیں جہاں انصاف ہو انشاللہ سیالکوٹ اور دیگر مقدموں میں بھی انصاف کے قریب ہیں

— Ch Fawad Hussain (@fawadchaudhry) March 25, 2022

 انہوں نے کہا کہ آج عثمان مرزا کیس میں متاثرہ لڑکی اور نوجوان کے منحرف ہونے کے باوجود عمر قید کی سزا ہوئی ہے۔

 انہوں نے بتایا  کہ اس کیس میں ٹیکنالوجی کی بطور شہادت قبولیت کی انتہائی خوش آئند ہے۔

انہوں نے واضح کیا ہے کہ وہی معاشرے ترقی کا زینہ چڑھتےہیں جہاں انصاف ہو انشاللہ سیالکوٹ اور دیگر مقدموں میں بھی انصاف کے قریب ہیں۔

خیال رہے کہ آج اسلام آباد لڑکا لڑکی جنسی ویڈیو، بلیک میلنگ کیس میں مرکزی ملزم عثمان مرزا سمیت پانچ ملزمان کو عمر قید کی سزا سنادی گئی ہے۔

ایڈیشنل سیشن جج عطا ربانی نے لڑکا لڑکی ویڈیو اسکینڈل کا فیصلہ سنایا جس میں شریک ملزمان عمر بلال اور ریحان کو بری کر دیا گیا۔

عدالت نے ملزم عثمان مرزا،محب بنگش، ادارس قیوم بٹ،حافظ عطاء الرحمن اور فرحان شاہین کو عمر قید کی سزا سنائی ہے۔