لندن میں فیشن شو، معروف گلوکارہ توجہ کا مرکز بن گئیں

ویب ڈیسک

26th Mar, 2022. 12:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لندن میں فیشن شو، معروف گلوکارہ توجہ کا مرکز بن گئیں

لندن میں منعقدہ دسویں روایت فیشن شو میں معروف فیشن ڈیزائنر و گلوکارہ سارہ بیگ توجہ کا مرکز بن گئیں۔

اس شو میں سارہ بیگ نے اپنے خوبصورت کٹیور ملبوسات کی نمائش کی۔

گزشتہ 10 سال سے لندن میں منعقد ہونے والے فیشن ویک میں پاکستان کے نامور فیشن ڈیزائنرز سمیت دیگر ممالک سے بھی نامور فیشن ڈیزائنر اپنے ملبوسات کی نمائش کرتے ہیں۔

اس شو کے سی ای او عدنان انصاری پاکستانی فیشن کو برطانیہ میں گزشتہ 10 سال سے اپنے پلیٹ فارم سے متعارف کروا رہے ہیں۔

سارہ بیگ نے اپنے خوبصورت ملبوسات کی نمائش کرتے ہوئے بطور شو اسٹاپر ماڈل اپنے نئے گانے ’عشق سزا‘ پر ریمپ پر جلوے بکھیرے جس کو شائقین کی جانب سے خوب پسند کیا گیا۔

گلوکارہ نے میڈیا سے گفتگو کرتے ہوئے کہا کہ پاکستانی فیشن انڈسٹری نے ملک سمیت دنیا بھر میں اپنی الگ پہچان بنانے میں کامیابی حاصل کی ہے جس کی ایک مثال روایت فیشن ویک ہے۔

انہوں نے کہا کہ روایت فیشن ویک گزشتہ 10 سال سے پاکستانی اور دیگر ممالک کے انٹرنیشنل ڈیزائنرز برانڈز کو اپنا پلیٹ فارم مہیا کر رہا ہے۔