پاکستان اور آسٹریلیا کے درمیان ہونے والی ٹیسٹ سیریز کے اختتام پر دونوں کھلاڑیوں کی مستی کی ویڈیو سامنے آئی ہے۔

پاکستان کرکٹ بورڈ (پی سی بی) نے سماجی رابطے کی مائیکرو بلاگنگ ویب سائٹ ٹوئٹر پر ایک ویڈیو شیئر کی ہے جس میں پاکستان اور آسٹریلیا کے کھلاڑیوں کو خوش گپیاں لگاتے ہوئے دیکھا جاسکتا ہے۔

The boys get together for a chat after the game! #PAKvAUS pic.twitter.com/KUHKRytb5i

— Pakistan Cricket (@TheRealPCB) March 25, 2022

ویڈیو میں دیکھا جاسکتا ہے کہ آسٹریلوی کھلاڑی ڈیوڈ وارنر ساتھ بیٹھے کھلاڑیوں کو کوئی تکنیک سکھارہے ہیں جس پر تمام کھلاڑی قہقہہ لگانا شروع کردیتے ہیں۔

واضھ رہے کہ پاکستان اور آسٹریلیا کے درمیان تین ٹیسٹ میچز پر مشتمل سیریز جاری تھی جس میں آسٹریلیا نے تیسرا اورآخری ٹیسٹ میچ جیت کر سیریز اپنے نام کرلی ہے۔

اس سے قبل کھیلے گئے دونوں میچز بنا کسی نتیجے کے ختم ہوگئے تھے۔

خیال رہے کہ 24 برس بعد آنے والی آسٹریلیا ٹیم دورہ پاکستان میں ٹیسٹ سیریز کے علاوہ تین ون ڈے میچز پر مشتمل سیریز اور ایک ٹی ٹوئنٹی میچ بھی کھیلے گی۔

یہ بھی پڑھیں: کینگروز نے ٹیسٹ سیریز اپنے نام کرلی

وائٹ بال سیریز کا آغاز 29 مارچ سے ہوگا جس کے میچز راولپنڈی میں کھیلے جائیں گے جبکہ پہلا ون ڈے 29 مارچ، دوسرا 31 اورتیسرا 2 اپریل کو کھیلا جائے گا۔

علاوہ ازیں دونوں ٹیموں کے درمیان واحد ٹی ٹوئنٹی میچ 5 اپریل کو کھیلا جائے جبکہ وائٹ بال سیریز میں شامل تمام میچز لاہور کے قذافی اسٹیڈٰیم میں کھیلے جائیں گے۔