احسن اقبال نے کہا ہے کہ اسٹیڈیم میں تماشائی بھرنے سے میچ نہیں جیتا جاتا۔

مسلم لیگ ن کے رہنما احسن اقبال نے میڈیا سے گفتگو کرتے ہوئے کہا ہے کہ بیرونی سرمایہ کار پاکستان میں انویسٹمنٹ کیلئے تیارنہیں، عمران خان خود کو قائداعظم ثانی، دوسروں کوچوراور غدارسمجھتے ہیں۔

انہوں نے کہا کہ عمران خان نے سی پیک کوتباہ و برباد کر دیا، وزیراعظم پچ پرمزید کھڑے ہونے کے لائق نہیں، عمران خان کومیچ جیتنے کیلئے 172 ارکان کا ہدف ہے، اسٹیڈیم میں تماشائی بھرنے سے میچ نہیں جیتا جاتا۔

احسن اقبال نے کہا کہ عمران خان فیل ہوچکے، نیٹ پریکٹس کی ضرورت ہے، عمران خان میچ ہار چکے، اسمبلی میں ارکان عدم اعتماد کرچکے، عمران خان اسپورٹس مین اسپرٹ کا مظاہرہ کرکے ریٹائرڈ ہو جاتے۔

مسلم لیگ ن کے رہنما نے کہا کہ جھوٹ اور فراڈ کا وقت گزرچکا، حکومت نے معیشت اورسلامتی کا ناقابل تلافی نقصان کیا، وزیراعظم ملک کوسیاسی انتہا پسندی کی طرف دھکیل رہے ہیں۔

انہوں نے کہا کہ ن لیگ کے ایم پی ایزکو اپنے ساتھ ملانا حلال اورضمیرکی آوازہے؟ حکومتی رکن اپوزیشن کے ساتھ ملے تو ضمیرفروش ہوجاتا ہے، وزیراعظم کاخط 35 پنکچرزکی طرح ڈرامہ ہے۔

احسن اقبال نے کہا کہ تحقیقات میں پتا چلے گا کسی نے راہ چلتے وزیراعظم کوخط دے دیا، وزیراعظم نےخط دکھا کرڈوبتی کشتی کو بچانے کی کوشش کی، وزیراعظم ہمت کرکے بتاتے خط کس نے لکھا اوردھمکی دی، وزیراعظم نےکاغذ لہرا کرعالمی سازش کے بارے میں بتایا۔