وزیراعظم عمران خان اور کینیڈین وزیراعظم جسٹن ٹروڈو کے درمیان ٹیلی فونک رابطہ ہوا، جس میں وزیراعظم نے انتخابات میں کامیابی پر جسٹن ٹروڈو کو مبارکباد دی۔

اس موقع پر وزیراعظم نے کینیڈین وزیراعظم کو مقبوضہ کشمیر کی تازہ صورتحال سے آگاہ کرتے ہوئے کہا کہ مقبوضہ کشمیر میں بدترین انسانی حالات اور انسانی حقوق کی خلاف ورزی کی جارہی ہے۔

عمران خان نے کہا کہ مقبوضہ کشمیر میں 4 ماہ سے بدترین پابندیاں عائد ہیں، خطے میں ٹینشن کا ماحول ختم کرکے تنازعے کا پر امن حل نکلنا چاہیے اور مقبوضہ کشمیر سے لاک ڈاؤن فوری ختم کیا جائے۔

ٹیلی فونک رابطہ  میں عمران خان نے جسٹن ٹروڈو کو انتخابات میں کامیابی پر مبارکباد  دیتے ہوئے کہا کہ جسٹن ٹروڈو کی قیادت میں پاکستان اورکینیڈا کےت تعلقات بہتر ہونگے۔

دوسری جانب وزیراعظم عمران خان نے سماجی رابطے کی ویب سائٹ ٹوئٹر پر اپنی ایک ٹوئٹ  میں برطانوی الیکشن میں کامیابی پر بورس جانسن کو  بھی مبارکباد دی۔

اپنے پیغام میں  وزیراعظم عمران خان نے برطانوی الیکشن میں کامیابی پر بورس جانسن کو مبارکباد دیتے ہوئے کہا کہ برطانیہ سے باہمی تعاون جاری رکھنے کے خواہاں ہیں۔

عالمی برادری بھارتی فورسز کےقبضہ پر کاروائی کرے، وزیراعظم

وزیراعظم نعمران خان نے دونوں ممالک کے درمیان مل کر کام کرنے کےعزم کا اظہار کرتے ہوئے کہا کہ برطانیہ سے باہمی تعاون جاری رکھنے کے خواہاں ہیں۔

واضح رہے اس سے قبل وزیراعظم عمران خان سے برطانوی انسانی حقوق کے وکیل اور امریکی بین الاقوامی قوانین ماہر کی ملاقات ہوئی تھی، ملا قات میں معاون خصوصی بیرسٹر شہزاد اکبر بھی شریک ہوئے۔

ملاقات میں وزیراعظم نے مظلوم مقبوضہ کشمیری عوام پر مظالم کو اجاگر کیا جبکہ مقبوضہ کشمیر میں میں انسانی حقوق کی سنگین خلاف ورزیوں پر  بھی غور کیا تھا ۔

اس موقع پر وزیراعظم کا کہنا تھا کہ مقبوضہ کشمیر میں مسلسل انسانی حقوق کی خلاف ورزیاں عالمی برادری کےضمیر کا ٹیسٹ ہے جبکہ عالمی برادری مقبوضہ کشمیر کے غیر قانونی الحاق اور بھارتی فورسز کے قبضہ پر کاروائی کرے ۔