امریکی سفارتخانے کی جانب سے امریکی نمائندہ خصوصی برائے افغان امن عمل زلمے خلیل زاد کے دورہ پاکستان کا اعلامیہ جاری کردیا گیا ہے۔
امریکی سفارتخانہ کے اعلامیہ کے مطابق افغانستان کے لئے امریکہ کے نمائندہ خصوصی زلمے خلیل زاد نے 13 دسمبر کو اسلام آباد کا دورہ کیا ۔
امریکی سفارتخانہ کے اعلامیہ میں کہا گیا کہ دورہ میں زلمے خلیل زاد نے وزیر خارجہ شاہ محمود قریشی ، چیف آف آرمی اسٹاف جنرل قمر جاوید باجوہ اور دیگر سرکاری عہدیداروں سے ملاقاتیں کی۔
امریکی سفارتخانہ کے اعلامیہ میں یہ بھی کہا گیا کہ زلمے خلیل زاد نے حکام کو ملاقاتوں میں طالبان کے ساتھ مذکرات پر ہونے والی پیش رفت سے آگاہ کیا۔
امریکی سفارتخانہ کے اعلامیہ میں مزید کہا گیا کہ زلمے خلیل زاد نے جنگ بندی، انٹرا افغان مذاکرات اور علاقائی تعاون کے لئے پاکستان کی حمایت کا خیرمقدم کیا جبکہ خطے میں امن پیدا ہونے کے باعث سلامتی اور معاشی فوائد پر بھی زور دیا۔
آرمی چیف سےامریکی نمائندےخصوصی زلمےخلیل زاد کی ملاقات
واضح رہے کہ امریکی نمائندہ خصوصی برائے افغان مفاہمتی عمل زلمے خلیل زاد کے پاکستان دورے کا اصل مقصد پاکستان کوامریکہ اورافغان طالبان کے متعلق آگاہ کرنا تھا ۔
گزشتہ روز امریکی نمائندہ زلمے خلیل زاد نے وزیراعظم عمران خان اور وزیر خارجہ شاہ محمود قریشی سے ا فغان امن پر عملدرآمد کیلئے ملاقات کی تھی۔
یاد رہے اس سے قبل زلمے خلیل زاد نے 3 ستمبر کو پاکستان کے دورے پر آنا تھا تاہم انہوں نے دورہ پاکستان عارضی طور پر مؤخر کر دیا تھا جس کے بعد انھوں نے ۱ اکتوبر کو دورہ پاکستان کیا تھا ۔
زلمے خلیل زاد نے وزیر اعظم کے دورہ امریکہ کے دوران بھی عمران خان سے ملاقات کی تھی اور افغان امن عمل پر پاکستان اور امریکہ کی مشترکہ کوششوں پر بات کی گئی تھی جبکہ وزیر اعظم نے افغان مسئلے کے پر امن حل کے لیے زلمے خلیل زاد کی کوششوں کو سراہا یا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News