یورپ کے کئی ممالک نے کورونا کے وبائی مرض کے حوالے سے نئی حکمتِ عملی تیار کرنا شروع کردی ہے۔ اسپین میں کورونا کی ہلکی کیفیت پر اب قرنطینہ کی پابندی ختم کردی گئی ہے۔

غیر ملکی خبررساں ادارے کے مطابق اسپین میں پیر اٹھائیس مارچ سے کووڈ انیس کی ہلکی کیفیت کے مریضوں کی علیحدگی اختیار کرنے کی شرط ختم کر دی گئی ہے۔

ہسپانوی دارالحکومت میڈرڈ کے وزارتِ صحت نے اپنے بیان میں کہا ہے کہ کووڈ انیس کے لیے اب توجہ کا مرکز پوری طرح کمزور اور عدم محفوظ طبقہ ہوگا۔

اس بیان میں کہا گیا کہ ویکسین شدہ نوجوانوں میں انفیکشن کی شرح ایک مخصوص حد تک محفوظ ہو گی۔

میڈرڈ حکومت نے ان لوگوں کے کورونا وائرس ٹیسٹ کا سلسلہ بھی معطل کر دیا ہے جو اس متعدی مرض میں مبتلا فرد کے ساتھ قریبی رابطے میں رہے ہوں۔

یاد رہے، ہسپانوی حکومت نے رواں برس جنوری میں کہا تھا کہ کورونا کی بیماری سے نمٹنے کے طریقے میں تبدیلی لاتے ہوئے اس کو کنٹرول کرنے کا وہی انداز اپنایا جائے گا جیسا کہ فلُو کے لیے ہے۔

اس ضمن میں ہسپانوی وزارتِ صحت کا کہنا تھا کہ اب اس وبائی مرض کا شدید مہلک پن ختم ہو گیا ہے اور اس کو ایک مقامی وبا کے طور پر لیا جائے گا نہ کہ اس کی حیثیت عالمی وبا جیسی رہی ہے۔

قبل ازیں، گزشتہ برس دسمبر میں اسپین میں کورونا وائرس کے اومیکرون ویرئنٹ کی وجہ سے انفیکشن بہت زیادہ پھیلا ہوا تھا۔ تاہم، ملک میں آج کل انفیکشن اور شدید علیل مریضوں کی اموات کی شرح بھی بہت کم ہو چکی ہے۔