عمران خان کا سپاہی ہوں اور رہوں گا، عثمان بزدار

ویب ڈیسک

29th Mar, 2022. 01:34 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمران خان کا سپاہی ہوں اور رہوں گا، عثمان بزدار

عثمان بزدار نے کہا ہے کہ عمران خان کا سپاہی ہوں اور رہوں گا۔

وزیراعلیٰ پنجاب سردار عثمان بزدار نے کہا ہے کہ وزیراعظم عمران خان کو استعفیٰ پیش کر دیا ہے، وزارت اعلیٰ کا منصب وزیراعظم عمران خان اور عوام کی امانت ہے۔

انہوں نے کہا کہ ملک و قوم اور پارٹی کے مفاد میں استعفیٰ دیا ہے، استعفے کی منظوری کے بعد وزارت اعلیٰ چھوڑ دوں گا، وزیراعظم عمران خان کا سپاہی ہوں اور سپاہی رہوں گا۔

عثمان بزدار نے کہا ہے کہ پارٹی ہے، وزیراعظم عمران خان ہیں تو باقی سب چیزیں بھی رہیں گی، وزیراعظم عمران خان میرے قائد ہیں، ان کے ہر حکم پر لبیک کہوں گا، مشکل وقت میں اپنی پارٹی کے ساتھ کھڑا ہوں اور کھڑا رہوں گا۔

وزیراعلیٰ پنجاب نے کہا ہے کہ عہدے کی تمنا نہیں، ہمیشہ وزیراعظم عمران خان کا ساتھ نبھاؤں گا، وزارتیں آنی جانے والی چیز ہیں، اصل پارٹی اور عوام سے کمٹمنٹ ہوتی ہے۔

انہوں نے کہا کہ ذات سے بڑھ کر ملک و قوم کا مفاد عزیز ہے، محض عوام کی خدمت کیلئے وزارت اعلیٰ کا منصب سنبھالا اور دن رات کام کیا ہے، عوامی خدمت کے ایجنڈے کی تکمیل کی خاطر وزیراعظم عمران خان کا ساتھ نبھائیں گے۔