مشہور ویڈیو شیئرنگ ایپلی کیشن ٹِک ٹاک نے ٹِک ٹاک لائبریری نامی نئے اِن ایپ کریئشن ٹول کا اعلان کردیا۔

کمپنی پُر امید ہے کہ یہ تخلیق کاروں کے لیے ٹرینڈ میں شریک ہونے کے لیے اور انٹرٹینمینٹ مواد تک رسائی حاصل کرنے میں مددگار ثابت ہوگا۔

ابتداء میں اس لائبریری میں GIPHY کا مخصوص کانٹینٹ ہوگا جس میں آوازوں کے ساتھ جِف، جن کو GIPHY کلپس کہا جاتا ہے، کا مجموعہ ہوگا۔

ٹِک ٹاک کا کہنا ہے کہ وقت کے ساتھ اس کو امید ہے کہ لائبریری میں مزید کانٹینٹ ذرائع، آڈیو اور ساؤنڈز، ٹیکسٹ ٹیمپلیٹ اور دیگر ٹِک ٹاک کریئٹر کانٹینٹ شامل کیے جائیں گے۔

تاہم، کمپنی نے یہ بتانے سے انکار کردیا  کہ ان تمام چیزوں کے لیے مستقبل میں کن کے ساتھ شراکت قائم کی جا سکتی ہے۔

2019 میں بطور GIPHY ویڈیو کے لانچ ہونے والے، GIPHY کلپس آج ٹی وی اور مووی اسٹوڈیوس، گیم میکرز، ریکارڈ لیبلز، اسپورٹس لیگ، نیوز میڈیا اور دیگر کے لیے لائسنس شدہ کانٹینٹ شیئر کرنے کا ایک طریقہ ہے۔

لانچ پر ٹِک ٹاک کا کہنا تھا کہ کمپنی Giphy کلیپس کی کیٹیگریز جیسے کہ ری ایکشن، کوٹس، پِپلز اور آئیکونِک مومنٹس کو سپورٹ کرے گی۔

اگرچہ ٹِک ٹاک اپنی ویڈیو ایپ میں پہلے ہی متعدد تخلیقی ٹولز رکھتی ہے لیکن کمپنی کا کہنا ہے کہ وہ تخیلق کاروں کے خود کے اظہار میں مدد دینے کے لیے نئے راستوں کی تلاش جاری رکھے گی۔