پنجاب میں سیاسی اتھل پتھل؛ چوہدری پرویز کی نامزدگی کا توڑ کرنے کا پلان تیار

ویب ڈیسک

30th Mar, 2022. 01:25 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پنجاب میں سیاسی اتھل پتھل؛ چوہدری پرویز کی نامزدگی کا توڑ کرنے کا پلان تیار

پنجاب میں وزرات اعلیٰ کے عہدے پر چوہدری پرویز الٰہی کی نامزدگی کو توڑنے کے لئے پلان تیار کرلیا گیا ہے۔

اپوزیشن کی جانب سے چوہدری پرویز کی نامزدگی کا توڑ کرنے کا پلان تیار کرتے ہوئے حمزہ شہباز نے اسمبلی ارکان کو اہم ہدایات جاری کردی ہیں۔

اس حوالے سے ذرائع کا کہنا ہے کہ ن لیگ کے ارکان اسمبلی کو پرویز الٰہی سے رابطوں اور ملاقاتوں سے گریز کرنے کی ہدایت کی گئی ہے۔

حمزہ شہباز کی ہدایات کے مطابق قیادت کی اجازت کے بغیر کوئی رکن ق لیگ سے ملاقات نہیں کرے گا تاہم ہدایت پر عمل نہ کرنے والا رکن پارٹی ڈسپلن کی خلاف ورزی کا مرتکب ہو گا۔

خیال رہے کہ گزشتہ روز پاکستان مسلم لیگ ن کی جانب سے وزارت اعلیٰ کے منصب پر پرویز الٰہی کے مقابلے پر حمزہ شہباز کو لانے کی تجویز پیش کردی گئی تھی۔

اس سلسلے میں مسلم لیگ ن نے عون چوہدری سے نئے وزیراعلیٰ کے لئے حمزہ شہباز کے حق میں ووٹ دینے کی درخواست بھی کی تھی۔

اس درخواست پر عون چوہدری نے ردعمل ظاہر کرتے ہوئے کہا کہ مسلم لیگ ن کی درخواست جہانگیر ترین کو پہنچادی گئی ہے لیکن حتمی فیصلہ ارکان کے ساتھ مکمل مشاورت کے ساتھ کیا جائیگا۔