بھارت چین سرحدی تنازعے کے بعد انتہا پسند ہندوؤں کی جانب سے مطالبے کے آگے بھارتی کرکٹ بورڈ نے گھٹنے ٹیک دیئے۔

بی سی سی آئی کا برانڈ آئی پی ایل کے مرکزی اسپانسر چینی موبائل کمپنی ویوو کی جگہ ٹاٹا کو اسپانسر بنا دیا گیا۔

.آئی پی ایل کے چیئرمین برجیش پٹیل نے نیوز ایجنسی کوبتایا کہ اگلے سال سے ٹاٹا آئی پی ایل کا ٹائٹل اسپانسر ہوگا

ٹاٹا چین کی موبائل کمپنی ویوو کی جگہ لے گا۔ منگل کو آئی پی ایل کی گورننگ کاؤنسل کی میٹنگ میں ٹاٹا کو آئی پی ایل کا ٹائٹل اسپانسر بنایا گیا.

چینی موبائل کمپنی ویوو نے سال 2018 میں پانچ سال کیلئے آئی پی ایل ٹائٹل اسپانسر شپ کے حقوق 2190 کروڑ روپے میں خریدے تھے.

معاہدے کے تحت ویوو کو ہر سال بی سی سی آئی کو ٹائٹل اسپانسر شپ کے طور پر 440 کروڑ روپے دینے تھے.

لیکن 2020 میں ہندوستان اور چین کے درمیان سرحدی تنازع گہرا ہونے کا اس کانٹریکٹ پر بھی اثر پڑا ہے.

مشرقی لداخ میں ہندوستانی فوجیوں کی ہلاکت کے بعد ملک میں چین کی موبائل کمپنیوں کی انتہا پسندوں کی جانب سے مخالفت شروع ہوگئی تھی ۔

بی سی سی آئی پر انتہا پسند ہندوؤں کا ویوو سے معاہدہ ختم کرنے کیلئے دباؤ بڑھنے لگا. اس کے بعد ہندوستانی کرکٹ بورڈ کو بھاری دباو کی وجہ سے ایک سال کیلئے ویوو سے ٹائٹل معاہدہ معطل کرنی پڑی.

گزشتہ سال ویوو کی جگہ ڈریم 11 انسپانسر تھا ۔ حالانکہ گزشتہ سال ویوو کی ٹائٹل اسپانسر کے طور پر واپسی ہوگئی تھی اور بطور ٹائٹل اسپانسر ویوو کا معاہدہ 2023 تک تھا ۔

لیکن دونوں ممالک کے رشتے میں آئی تلخی سے یہ واضح ہوگیا تھا کہ یہ ڈیل اب زیادہ دنوں تک نہیں چلے گی اور آج اس پر آئی پی ایل کی گورننگ کاؤنسل نے مہر بھی لگا دی.