عامر ڈوگر
وزیرِ اعظم عمران خان کے معاونِ خصوصی سیاسی امور و چیف وہیپ ملک عامر ڈوگر نے کہا ہے کہ آج پاکستان کی سیاست کا محور عمران خان ہیں۔
اپنے جاری کردہ بیان میں عامر ڈوگر نے کہا کہ ریڈیو پاکستان کی بلڈنگ کا شمار ملتان کی پرانی عمارتوں میں ہوتا ہے، ماضی میں اس بلڈنگ کو نظر انداز کیا گیا۔
عامر ڈوگر نے کہا کہ ریڈیو پاکستان ملتان کی بلڈنگ چار منزلہ تھی مگر لفٹ نہیں تھی، 5 کروڑ کی خطیر رقم ریڈیو پاکستان پر خرچ ہوگی۔
انہوں نے کہا کہ حکومت اور اپوزیشن کا میچ آخری آور میں داخل ہو گیا ہے، اتوار کو 11 بجے ووٹنگ ہوگی۔
معاونِ خصوصی سیاسی امور کا کہنا تھا کہ عمران خان نے مسلم امہ کی ترجمانی کی ہے، وہ عوام اور ﷲ کی عدالت میں سرخرو ہوگا۔
Advertisement
عامر ڈوگر نے کہا کہ عمران خان نے ایک نکاتی نظام تعلیم کا وعدہ پورا کیا، عدم اعتماد جمہوری طریقہ ہے اسے فیس کرنے کے لئے تیار ہیں۔
انہوں نے مزید کہا کہ بدقسمتی سے منحرف ارکان کی زیادہ تعداد جنوبی پنجاب سے ہے، امید ہے پارٹی پالیسی کے خلاف ووٹ دینے والے تاحیات نا اہل ہونگے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
