پنجاب میں محکمہ جنگلات کی کارروائیاں، 26 افراد گرفتار

ویب ڈیسک

01st Apr, 2022. 02:20 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پنجاب میں محکمہ جنگلات کی کارروائیاں، 26 افراد گرفتار

پنجاب بھر میں محکمہ جنگلات کی جانب سے کی گئی کارروائیوں میں 26 افراد گرفتار کرلیے گئے ہیں۔

تفصیلات کے مطابق صوبہ پنجاب کے مختلف مقامات سے جنگلی جانوروں و پرندوں کے 26غیرقانونی شکاری گرفتار کرکے اڑھائی لاکھ جرمانہ عائد کردیا گیا ہے۔

اسسٹنٹ ڈائریکٹر وائلڈلائف ضلع فیصل آباد غلام رسول نے اپنی ٹیم کے ہمراہ معصوم جنگلی پرندوں کے ایک سمگلر کو رنگے ہاتھوں گرفتار کرکے اسے مقامی عدالت میں پیش کیا۔

اسسٹنٹ ڈائریکٹر وائلڈلائف خوشاب محمد نعیم طاہر نے اپنی ٹیم کے ہمراہ ضلع خوشاب کے پہاڑی علاقے سے اڑیال کے بچے اٹھانے والا ایک پیشہ ور لیمب لفٹر گرفتار کرکے اسے مقامی عدالت میں پیش کیا، عدالت نے ملزم کو جیل بھیجنے کاحکم صادر کیا۔

اسسٹنٹ ڈائریکٹر وائلڈلائف ضلع گوجرانوالہ محمد ارشد ناز نے انسپکٹرطالب حسین اور واچران محمد عمیراور عبدالرئوف کے ہمراہ ناجائز شکاریوں کیخلاف جاری کریک ڈاؤن کے دوران وزیر آباد سے جنگلی پرندوں طوطوں ، کالا تیتر اور موروں کا اسمگلر عقیل رنگے ہاتھوں گرفتار کرلیا ہے۔

ملزم کے قبضے سے دو مور ، تین طوطے اور ایک سیاہ تیتر برآمد کرکے ملزم کا چالان سول جج گوجرانوالہ کی عدالت میں پیش کیا گیا۔

عدالت نے ملزم کو دس ہزار روپے جرمانہ طوطے اور تیتر فوری آزاد کرنے اور موروں کو لاہور چڑیاگھر انتظامیہ کے حوالے کرنے کاحکم صادر کیا۔