ول اسمتھ نے اکیڈمی سے استعفیٰ دے دیا

ویب ڈیسک

02nd Apr, 2022. 12:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ول اسمتھ نے اکیڈمی سے استعفیٰ دے دیا

امریکی اداکار ول اسمتھ نے اکیڈمی آف موشن پکچر آرٹ اینڈ سائنسز سے استعفیٰ دے دیا۔

کچھ روز قبل اکیڈمی ایوارڈ کے سلسلے میں ہونے والی 94ویں تقریب، آسکر 2022ء کی براہ راست نشریات کے دوران ول اسمتھ نے کامیڈین کرس راک کو مُکا مارا تھا جس کے بعد انہوں نے اکیڈمی ایوارڈ سے استعفیٰ دے دیا ہے۔

اداکار کا کہنا ہے کہ اُن کا کرس راک کو مُکا مارنے کا عمل چونکانے والا، دردناک اور ناقابل معافی ہے۔

ول اسمتھ نے کہا کہ میں نے اکیڈمی کے اعتماد کو ٹھیس پہنچایا ہے اور میں نے آسکر کے لیے نامزد دوسرے فاتحین کو شاندار شام کا جشن منانے کے موقع سے محروم کر دیا، میرے اس عمل سے دل ٹوٹ گیا ہے، لہٰذا میں اکیڈمی آف موشن پکچر آرٹس اینڈ سائنسز کی رکنیت سے استعفیٰ دے رہا ہوں، اور اکیڈمی کے بورڈ کی جانب سے میرے خلاف سامنے آنے والے مزید نتائج کو قبول کروں گا۔

واضح رہے کہ گزشتہ اتوار آسکر ایوارڈ کی تقریب میں اداکار ول اسمتھ نے کرس راک کی جانب سے اہلیہ و اداکارہ جاڈا پینکٹ اسمتھ کے گنج پن کا مذاق اڑانے پر انہیں مکا مار دیا تھا۔

ول اسمتھ نے ایوارڈ وصول کرتے ہوئے بھی اپنے اس رویئے پر شرمندگی کا اظہار کیا تھا اور بعد ازاں باقاعدہ طور پر کرس راک سے معافی بھی مانگ لی تھی۔