ایک نئی تحقیق میں بتایا گیا ہے کہ ورچوئل ریئلٹی ویڈیو گیمز میں عمل سے مطابقت کے لیے بُو کا اضافہ حقیقیت کا رنگ لا سکتا ہے۔

تجربات میں رضاکاروں نے ورچوئل ریئلٹی گیم ریزیڈنٹ اِیول 7 بائی ہیزارڈ کھیلا۔ انہوں نے یہ گیم بُو کے ساتھ اور بُو کے بغیر کھیلا۔

اس ڈراؤنے گیم میں شدید بُو والی اشیاء موجود ہیں جیسے کہ سڑا ہوا کھانا، دھواں اور سڑتی کھوپڑی۔

محققین کو ان بُوؤں کے اضافے سے لوگوں کے گیم کے ماحول میں موجود ہونے کے احساس میں اہم اضافہ ہوا۔

یہ نئی تحقیق آسٹریلیا کی حکومتی ایجنسی CSIRO اور یونیورسٹی آف ٹیکنالوجی سِڈنی کے محققین کی جناب سے کی گئی۔

اپنے تحقیقی مقالے میں انہوں نے کہا کہ ورچوئل ریئلٹی ہیڈ سیٹ صارفین کو اطراف کے سمعی و بصری تجربہ فراہم کرتے ہیں، لیکن عموماً سونگھنے کی حس کے تجربے کی فراہمی کو نظر انداز کرتے ہیں، جو ہماری حقیقی دنیا کے ماحول کے متعلق اضافی معلومات فراہم کر سکتے ہیں۔

تحقیق کے لیے محققین نے 22 افراد کا انتخاب کیا جنہوں نے ریزیڈنٹ اِیول کے ورچوئل ریئلٹی کا تجربہ کیا۔

کل شرکاء میں میں 13 ایسے تھے جنہوں نے اس سے قبل ورچوئل ریئلٹی کا تجربہ کر رکھا تھا اور صرف تین ایسے تھے جن کو کسی قسم کے ویڈیو گیم کھیلنے کا تجربہ نہیں تھا۔

صرف ایک شریک ایسا تھا جس نے پہلے ریزیڈنٹ اِیول 7 کھیلا تھا۔