سپر ہٹ فلم باہو بلی کے اداکار پربھاس نے مداحوں پر ایسا جادو چلایا ہے کہ ان کے مداح انہیں اب صرف باہو بلی کی نظروں سے دیکھتے ہیں۔

مداح انہیں ہمیشہ فٹ اور فائن دیکھنا چاہتے ہیں، تاہم اداکار سے جڑی ایک خبر نے ان دنوں فینز کو پریشان کر رکھا ہے۔

دراصل پربھاس کے مداح ان کی فلم ’”سالار”‘ کا طویل عرصے سے انتظار کر رہے ہیں۔

لیکن فلم کا انتظار کرنے والوں کے لیے اس وقت ایک مایوس کن خبر سامنے آئی ہے۔

رپورٹس کے مطابق “سالار” کی عکس بندی کے دوران پربھاس کو چوٹ لگنے کی وجہ سے ان کی آنے والی فلم کی شوٹنگ روک دی گئی ہے۔

بتایا جا رہا ہے کہ پربھاس کی چوٹ کو مکمل طور پر ٹھیک ہونے میں مزید دو ماہ لگیں گے، جس کی وجہ سے فلم کے حوالے سے یہ سخت فیصلہ لینا پڑا۔

پربھاس کا علاج سپین میں چل رہا ہے۔ اداکار اپنی آنے والی فلموں کی شوٹنگ دوبارہ شروع کرنے سے پہلے اپنے علاج کے لیے اسپین روانہ ہوگئے تھے۔

ایک رپورٹ کے مطابق ان کی سرجری ہوئی تھی جس سے وہ ابھی تک صحت یاب ہو رہے ہیں۔

اس خبر کے بعد اداکار کے مداح ان کی جلد صحت یابی کے لیے دعا گو ہیں۔

ویسے آپ کو بتاتے چلیں کہ پربھاس کے پاس اس وقت کئی فلمیں ہیں۔

ان میں بڑی فلمیں جیسے ’آدی پورش‘، ’پروجیکٹ کے‘ اور ’روح‘ شامل ہیں۔

پربھاس ایک اور فلم میں بھی کام کریں گے، جس کی ہدایت کاری ’بھلے بھلے ماگادیوائے‘ فیم ماروتھی کریں گے۔

فلم ”سالار” کی بات کریں تو یہ ایک ایکشن فلم ہونے والی ہے، جس میں پربھاس کے ساتھ شروتی ہاسن نظر آئیں گی۔

تاہم اب دیکھنا یہ ہے کہ یہ فلم اپنے مقررہ سال کے مطابق ریلیز ہونے میں کامیاب ہوتی ہے یا نہیں۔