کچھ لوگوں کو روزے کی حالت میں شدید پیاس لگتی ہے تو سحری میں ایسی چیز کھائیں کہ سارا دن پیاس نہ لگے۔

بعض لوگ اس کے لئے دہی کا استعمال کرتے ہیں لیکن اگر دہی موجود نہ ہو تو خربوزہ تو ہر گھر میں موجود ہی ہوتا ہے۔

عام طور پر خربوزے کو افطار میں کھایا جاتا ہے لیکن اگر سحری کے وقت ایک پیالہ خربوزہ کھا لیا جائے تو اس سے پیاس کی شدت کو کم کیا جاسکتا ہے۔

اس میں انتہائی کم کیلوریز ہوتی ہیں یعنی ایک کپ خربوزے میں صرف64 کیلوریز ہوتی ہیں، یہ وٹامنز اور منزلز سے بھی بھر پور ہوتا ہے اس میں چکنائی تقریبا نہ ہونے کے برابر ہوتی ہے۔

خربوزے میں کیلشیم 15ملی گرام ، فاسفورس 25 ملی گرام، وٹامن سی 34 ملی گرام، وٹامن اے 640 ملی گرام، پائی جاتی ہے۔

خربوزہ خون میں کلوٹ بننے جوکہ ہارٹ اٹیک کا سبب بنتا ہے کے عمل کو روکتا ہے۔

ایک بات کا خاص خیال رکھیں کہ خربوزہ خالی پیٹ بالکل نہ کھائیں بلکہ سحری کے آخر میں کھائیں۔

اس پھل میں پانی کی وافر مقدار موجود ہے جو کہ ٹھنڈک کا احساس دلاتی ہے جس سے سینے کی جلن اور تیزابیت بھی دور ہوتی ہے۔

 اس کے علاوہ یہ گردوں کی صفائی کے لئے بھی یہ بہترین پھل ہے،خربوزہ ان لوگوں کے لیے ایک آئیڈیل فروٹ ہے جو کہ اپنا وزن گھٹانے کے خواہش مند ہیں کیونکہ اس میں سوڈیم کی انتہائی کم مقدار ہوتی ہے۔

خربوزہ کولیسٹرول فری ہوتا ہے اور اس میں کیلوریز کی بھی انتہائی کم مقدار ہوتی ہے لہٰذا اسے کھانے سے بھوک کا احساس ختم ہوجاتا ہے اور پیٹ بھرا ہوا محسوس ہوتا ہے ۔