صحافی سے فون چھیننے کا معاملہ، سلمان خان پھر سے عدالت طلب

ویب ڈیسک

05th Apr, 2022. 06:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صحافی سے فون چھیننے کا معاملہ، سلمان خان پھر سے عدالت طلب

صحافی کا فون چھیننے کا معاملہ، بھارتی عدالت نے سلمان خان کو طلب کر لیا۔

بھارتی میڈیا رپورٹ کے مطابق بھارت کی مقامی عدالت نے صحافی کا فون چھیننے کے واقعے پر اداکار سلمان خان کو محافظ سمیت 5 اپریل کو طلب کیا ہے، جس پر اداکار ممبئی ہائیکورٹ پہنچ گئے۔

بھارتی میڈیا کا کہنا ہے کہ معروف اداکار سلمان خان نے ممبئی ہائیکورٹ میں درخواست دائر کی ہے کہ انکے خلاف طلبی کا نوٹس خارج کیا جائے۔ سلمان خان کے درخواست پر سماعت آج ہی ہونے کا امکان ہے۔

واضح رہے کہ اداکار اور صحافی کے درمیان تنازعہ 24 اپریل 2019 میں ہوا تھا جب سلمان خان نے سائیکل پر سوار ہوتے ہوئے مبینہ طور پر ایک صحافی کا موبائل فون چھین لیا جو اس کی تصویر لینے کی کوشش کر رہا تھا۔

اس کے بعد صحافی نے عدالت میں ‘نجی شکایت’ دائر کی کیونکہ مقامی پولیس نے مبینہ طور پر سلمان خان کے خلاف مقدمہ درج کرنے سے انکار کر دیا تھا۔

صحافی نے الزام لگایا ہے کہ سلمان خان کے محافظوں کی اجازت کے بعد وہ تصویر بنا رہے تھے لیکن اسکے باوجود انہوں نے میرے ساتھ بدتمیزی کی اور اداکار نے میرا فون چھین لیا۔

یاد رہے کہ بھارتی مشہور اداکار سلمان خان اس وقت اپنی آنے والی فلم ’’ٹائیگر 3‘‘ میں مصروف ہیں۔