ایکشن اورتھرل سے بھرپوردنیا کے مقبول ترین موبائل گیم بیٹل گراؤنڈ نےغیر قانونی طریقے سے ڈاؤن لوڈ کرنے اور چیٹنگ کرنے پر66 ہزارسے زائد اکاؤنٹس پرپابندی عائد کردی ہے۔

بیٹل گراؤنڈ موبائل انڈیا ( بی جی ایم آئی) کے پبلشرکرافٹون کی جانب سے پابندی کا سامنا کرنے والے تمام اکاؤنٹس کی فہرست بھی شایع کردی گئی ہے۔

کرافٹون کا اس حوالے سے کہنا ہے کہ ہم اپنے گیمنگ پلیٹ فارم پرغیرقانونی اورغیرقانونی سرگرمیوں کو کسی طور برداشت نہیں کرتے اورہرہفتے اس میں ملوث اکاؤنٹس کے خلاف تادیبی کارروائی کرتے ہیں۔

یہ بھی پڑھیں: بیٹل گراؤنڈ کے کھلاڑی آج سے لیمبر گینی چلا سکیں گے

بی جی ایم آئی کے پلیٹ فارم پراگرکوئی کھلاڑی ایسی حرکت میں ملوث پایا گیا جس سے دوسرے کھلاڑیوں کے کھیل پرمنفی اثرات مرتب ہوئے تونہ صرف ان کا اکاؤنٹ بلکہ ان کی ڈیوائسزکوبھی بلیک لسٹ کردیا جائے گا۔

جب کہ ایک بارپابندی کا سامنا کرنے والے کھلاڑی تاعمران ڈیوائسزپربیٹل گراؤنڈ نہیں کھیل سکیں گے۔

کرافٹون نے 28 مارچ سے 3 اپریل کے دوران بی جی ایم آئی پرغیرقانونی حرکات میں ملوث 66 ہزار233 اکاؤنٹس کی تفصیلات بھی شایع کردی ہے۔ جب کہ اس سے پچھلے ہفتے 21 مارچ سے 27 مارچ کے درمیان 22 ہزار13 اکاؤنٹس پر بھی مستقل پابندی عائد کی گئی تھی۔

واضح رہے کہ کرافٹون کی جانب سے گزشتہ سال دھوکہ دہی کرنے پر6 لاکھ سے زائد اکاؤنٹس پرپابندی لگائی گئی تھی۔

رواں سال 24 جنوری سے 6 فروری کے درمیان ایک لاکھ 71 ہزار188 بیٹل گراؤنڈ انڈیا کے اکاؤنٹس بلاک کیے گئے، جب کہ جنوری میں ایک لاکھ اکاؤنٹ کوبند کردیا گیا تھا۔

مارچ کے آخری ہفتے میں بیٹل گراؤنڈ موبائل نے کھلاڑیوں کے لیے لیمبرگینی بھی شامل کردی تھی اوراب کھلاڑی دنیا کی اس تیزرفتارترین کارکی ڈرائیونگ سے بھی محظوظ ہوسکیں گے۔

اس بات کرافٹون کا کہنا ہے کہ انہوں نے لگژری اسپورٹس کاربرانڈ لیمبرگینی کے ساتھ اشتراک کرلیا ہے اوراب نئی چمچماتی گاڑیوں کے 6 ماڈلزاس گیم میں دوڑتی نظر آئیں گے۔