مریم نواز کا نام ای سیل ایل سے نکالنے کا فیصلہ ابھی نہیں کیا: فردوس اعوان
وفاقی وزیرِ اطلاعات فردوس عاشق اعوان کا کہنا ہے کہ مسلم لیگ (ن) کی نائب صدر مریم نواز کا نام ای سی ایل سے نکالنے کے بارے میں ابھی فیصلہ نہیں ہوسکا، حکومت لاہور ہائی کورٹ کے تفصیلی فیصلے کا منتظر ہے۔
وزیراعظم کی معاون خصوصی برائے اطلاعت و نشریات ڈاکٹر فردوس عاشق اعوان نے آج بروز پیرایک تقریب میں خطاب کرتے ہوئے کہا کہ حکومت نے مریم نواز کے نام کو ایگزٹ کنٹرول لسٹ (ای سی ایل) سے خارج کرنے کے بارے میں ابھی تک کوئی فیصلہ نہیں کیا ہے۔
پاکستان انفارمیشن کمیشن کی ویب سائٹ www.rti.gov.pk کی لانچنگ تقریب کے بعد صحافیوں سے گفتگو کرتے ہوئے ، معاون خصوصی برائے اطلاعت نے کہا کہ سابق صدر آصف زرداری کو طبی بنیادوں پر ضمانت دی گئی ہے لیکن اُن پر لگے الزامات سے اُنہیں معافی نہیں دی گئی ہے۔
فردوس عاشق نے کہا کہ آصف زرداری کو ضمانت دی گئی ہے لیکن عدالت نے انہیں بے گناہ قرار نہیں دیا ہے۔ ڈاکٹر فردوس نے کہا کہ 35 سے 40 سال کی بدعنوانی کے معاملات کا فیصلہ چند مہینوں میں ہر گز نہیں کیا جاسکتا ہے۔
فردوس عاشق سے نواز شریف کے چار ہفتے مکمل ہونے کے بعد ان کی وطن واپسی کا سوال کیا تو انہوں نے کہا کہ لندن میں ان کے طبی معائنے کی کاپیاں حکومت کو فراہم نہیں کی گئیں۔
انہوں نے اس حوالے سے مزید کہا کہ اس مسئلے پر کوئی بھی بات ڈاکٹروں کی رائے کے بعد ہی کی جاسکتی ہے۔فردوس عاشق نے کہا، ماضی میں حکمرانوں اور اپوزیشن نے اداروں کو کمزور کرنے کے لئے اتحاد کیا تھا لیکن اب پہلی بار چیلنج کیا جارہا ہے اور رکاوٹوں اور چیلنجوں کے باوجود حکومت پرعزم ہے اور احتساب کا عمل اپنے منطقی انجام تک پہنچے گا۔
قبل ازیں لانچنگ سے خطاب کرتے ہوئے فردوس عاشق نے کہا کہ حکومت نے پاکستان انفارمیشن کمیشن کی ویب سائٹ کو لانچ کرکے ایک اور وعدہ پورا کیا ہے۔
انہوں نے کہا کہ کمیشن وزیر اعظم عمران خان کے وژن کے مطابق گڈ گورننس کو یقینی بنائے گا۔
آرمی پبلک اسکول (اے پی ایس) پشاور کے سانحے کی پانچویں برسی کے بارے میں ، معاون خصوصی نے کہا کہ قوم دہشت گردی کی لعنت کو مکمل طور پر جڑ سے اُکھاڑ کر پھینک دے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News