رمشا خان، احد رضا میر، جنید خان اور سارہ خان کے رمضان ٹرانمیشن کے خصوصی ڈرامے ہم تم نے مداحوں کے دل جیت لیئے۔

رپورٹ کے مطابق پاکستان میں رمضان ٹرانسمیشن کے دوران خصوصی ڈرامے نشرکیے جانے کی روایت جڑپکڑچکی ہے، مقبول ترین ڈرامہ سیریل ‘سُنوچندا’ کی رائٹرصائمہ اکرم چوہدری نے رواں سال بھی رمضان کے لئے تین خصوصی ڈرامے لکھے ہیں۔

ہم تم، چوہدری اینڈ سنز اور پرستان رواں سال کے ایسے خصوصی ڈرامے ہیں جنہیں صائمہ اکرم نے لکھا ہے اور یہ صرف ماہِ رمضان کے دوران نشر کئے جائیں گے۔

مزاح لکھنا صائمہ اکرم کی خاصیت ہے اور اس مرتبہ بھی مداحوں کو یقین تھا کہ سنو چندا اور چپکے چپکے چپکے کی طرح یہ ڈرامے بھی بےحد دلچسپ ہوں گے۔

اب تک ہم تم، پرستان اور چوہدری اینڈ سنز کی چند قسطیں ہی نشر ہوئی ہیں جن میں سے مداحوں کو احد رضا میر اور رمشا خان کا ہم تم سب سے زیادہ پسند آیا ہے۔

سوشل میڈیا پر بھی احد اور رمشا خان  کے ڈرامے ہم تم نے دھوم مچا رکھی ہے یہی وجہ ہے کہ ہم تم گزشتہ رات سے ٹوئٹرٹاپ ٹرینڈزمیں شامل ہے جہاں صارفین اپنے اپنے پسندیدہ کرداروں اور مناظرکے حوالے سے ٹوئٹس کررہے ہیں۔

اس نئے ڈرامے میں رمشا خان اور احد رضا میر کی کیمسٹری کو بےحد پسند کیا جا رہا ہے۔

جبکہ مشہور یوٹیوبر اور اداکار ارسالن نصیر کا دعویٰ ہے کہ ان کا اور ایمن سلیم کا ڈرامہ پرستان زیادہ مقبول ہو رہا ہے۔