صوبائی دارالحکومت لاہور میں ایف آئی اے نے لڑکی کو بليک ميل کرکے لاکھوں روپے ہڑپ کرنے والا ملزم دھر لیا ہے۔

تفصیلات کے مطابق کارروائی ايف آئی اے سائبر کرائم کی جانب سے کی گئی جس کے نتیجے میں لڑکی کو بليک ميل کرکے اسکے والد کے بيس لاکھ روپے ہڑپ کرنے والا ملزم پکڑ لیا گیا ہے۔

ایف آئی حکام نے بتایا کہ ملزم نے آصف اقبال نے حساس ادارے کا آفيسر بن کر لڑکی سے دوستی کی، پھر اسکی غيراخلاقی ويڈيوز اور تصاوير بنائيں۔

 ان غير اخلاقی ويڈيوز اور تصاوير سے لڑکی کو بليک ميل کرنا شروع کردیا، لڑکی نے تنگ آگر اپنے والد کا اے ٹی ايم کارڈ اسے دے ديا اور ملزم نے اس کے والد کے بينک ميں پڑے ريٹائرمنٹ کے بيس لاکھ روپے نکال ليے۔

ایف آئی حکام نے مزید بتایا کہ ملزم سے سائبرکرائم مزيد تفتيش کررہي ہے۔  

واضح رہے کہ کچھ ماہ قبل بھی ایف آئی اے نے  انسداد انسانی اسمگلنگ سیل نے اسلام آباد میں کارروائی کرتے ہوئے نادرا اور پاسپورٹ آفس کے افسران سمیت 4 غیر ملکی باشندوں کو گرفتار کرلیا ہے۔

  انسانی اسمگلنگ میں ملوث اس گروہ  میں شامل افغان باشندوں کو ایئر پورٹ جب  کہ سرکاری افسران کو راولپنڈی سے حراست میں لیا گیا تھا۔

گرفتار افراد میں سے 4 ملزمان کرزئی، شاہ زیب، جاوید گل اور عاطف کا تعلق افغانستان اور 4 کا تعلق پاکستان سے ہے، جن کے نام پرویز،عمیر محمود، یوسف خان اور تنویر الطاف ہیں، جن میں سے دو افراد پاسپورٹ آفس جب کہ دو نادرا کے ملازم بتائے جا رہے ہیں۔