'آج پاکستان اور عوام کی فتح کا دن ہے'

‘آج پاکستان اور عوام کی فتح کا دن ہے’

ویب ڈیسک

10th Apr, 2022. 09:15 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

‘آج پاکستان اور عوام کی فتح کا دن ہے’

ترجمان جے یو آئی اسلم غوری نے کہا ہے کہ آج پاکستان ،جمہوریت ، آئین اور عوام کی فتح کا دن ہے۔

قوم کو مبارکباد دیتے ہوئے ترجمان جے یو آئی اسلم غوری نے کہا کہ قوم کو آئین اور قانون کی فتح پر مبارکباد دیتے ہیں ، آج پاکستان ،جمہوریت ،آئین اور عوام کی فتح ہے۔

اسلم غوری نے کہا کہ اس عظیم فتح پر اللہ کریم کا شکر ادا کرتے ہیں، ان شاء اللہ پاکستان کی ترقی کا سفر جہاں سے ختم ہوا تھا ،وہی سے شروع ہوگا۔

ترجمان جے یو آئی نے کہا کہ نیازی کا دور تاریک اور خوفناک رات کے طور پر یاد رکھا جائے گا، پاکستانی عوام پر ایک سلیکٹڈ کو مسلط کیا گیا جس نے پاکستان میں آئین کے ساتھ کھلواڑ کیا۔

اسلم غوری نے کہا کہ پاکستانی سیاست میں بد اخلاقی ، گالم گلوچ اور الزام تراشی کی سیاست کو فروغ دیا گیا، پاکستان کی شہ رگ کشمیر کو فروخت کیا گیا اور عالمی برادری میں پاکستان کو تنہا کیا گیا۔

انہوں نے کہا کہ قوم پر بے روزگاری اور مہنگائی مسلط کی گئی، ملک کے باوقار اداروں کو متنازعہ بنایا گیا۔

انہوں نے مزید کہا کہ سیاسی جماعتوں نے سنجیدگی کا مظاہرہ کیا ہے۔