بالی ووڈ میں عالیہ بھٹ اور رنبیر کپور کی شادی کی خبروں کے خوب چرچے ہو رہے ہیں، اس حوالے سے تازہ ترین خبر یہ ہےکہ شادی ملتوی کر دی گئی ہے۔

بھارتی میڈیا رپورٹس کے مطابق عالیہ بھٹ کے سوتیلے بھائی اور فٹنس ٹرینر راہول بھٹ نے اس خبر کی تصدیق کرتے ہوئے کہاکہ عالیہ اور رنبیر کی شادی 14 تاریخ کو نہیں ہورہی اور نہ ہی 13 اپریل کو کسی قسم کی کوئی تقریب رکھی گئی ہے۔

عالیہ کے بھائی نے میڈیا سے بات کرتے ہوئے بتایاکہ شادی ملتوی کرنے کی وجہ تاریخ کا میڈیا میں لیک ہونا ہے، اسی وجہ سے اہل خانہ نے سیکیورٹی وجوہات کی بنا پر شادی کو آگے بڑھا دیا ہے۔

عالیہ کے بھائی راہول نے مزید بتایاکہ یہ بات سب کے علم میں ہے کہ شادی ہورہی ہے لیکن جو تاریخیں میڈیا پر زیر گردش ہیں ان پر اب شادی نہیں ہوگی۔

عالیہ اور رنبیر کی شادی کب ہوگی؟

بھارتی میڈیا رپورٹس کا اس حوالے سے کہنا ہےکہ عالیہ اور رنبیر کی شادی 14 اپریل کو ممبئی میں ہوگی اور اس اہم تقریب کے لئے ناصرف سیکیورٹی کے حوالے سے خصوصی انتظامات کیے گئے ہیں بلکہ اس سلسلے میں 200 باؤنسرز اور ڈرونز کو بھی شامل کیا گیا ہے۔

شادی کس مقام پر ہوگی؟

 بالی ووڈ جوڑی نے شادی کے لیے رشی کپور کے گھر کرشنا راج (آر کے) ہاؤس کا انتخاب کیا ہے۔

رنبیرکپورکے والدین اوربالی ووڈ کے اپنے زمانے کی مقبول جوڑی رشی کپوراورنیتو سنگھ کی شادی بھی آرکے اسٹوڈیوز میں ہی ہوئی تھی۔

Advertisement

کون کونسے بالی ووڈ اسٹارز شادی کو چار چاند لگائیں گے؟

لیگ ہونے والی فہرست کے مطابق اس شادی میں انڈسٹری کے نامور ہدایت کار و پروڈیوسر کرن جوہر، سنجے لیلا بھنسالی، آدیتیا چوپڑا، زویا اختر، مسابا گپتا، ورن دھاون،آدیتیا روئے ، روہیت دھاون، ایان مکھرجی، ارجن کپور، منیش ملہوترا، اکنشا رانجن اور انوشکا رنجن شرکت کرینگے۔

ذرائع کا کہنا ہےکہ بھٹ اور کپور خاندان کے افراد جن میں مہیش بھٹ اور مکیش بھٹ کے جبکہ دوسری جانب کرشمہ کپور، کرینہ کپور اور سیف علی خان شامل  ہیں ، ان کے ساتھ ساتھ بالی ووڈ کے بے تاج بادشاہ  شاہ رخ خان بھی اس شادی میں شرکت کرینگے ۔

Advertisement

بھارتی میڈیا کا کہنا ہےکہ رنبیر کپور اور عالیہ بھٹ کی دوست اور بالی ووڈ کی صف اول کی ہیروئن دیپیکا پڈوکون بھی شرکت کرینگی جوکہ دلہا کی سابقہ گرل فرینڈ بھی رہ چکی ہیں