اداکارہ و گلوکارہ حدیقہ کیانی اور بلال عباس کے مداحوں کا کہنا ہے کہ انہیں جلد شادی کرلینی چاہیئے۔

اداکارہ و گلوکارہ حدیقہ کیانی کی جانب سے انسٹاگرام پر ساتھی اداکار بلال عباس کے لیے تعریفی پوسٹ کیے جانے کے بعد سے مداحوں کی توجہ اس اداکار جوڑی کی جانب مبذول ہوگئی ہے۔

سوشل میڈیا پر مداحوں نے حدیقہ کیانی کو بلال عباس کے ساتھ شادی کرنے کی تجویز دے ڈالی ہے۔

حدیقہ کیانی نے انسٹاگرام پر بلال عباس کے ساتھ ایک تصویر شیئر کرتے ہوئے ان کی تعریفیں کیں اور انہیں ’پاکیزہ روح‘ قرار دیا۔

اداکارہ نے نوجوان اداکار کے ساتھ ٹی وی پر نشر ہونے والے اپنے مقبول ڈرامے ’دوبارہ‘ کا بھی ذکر کرتے ہوئے لکھا کہ وہ بلال عباس کے ساتھ کام کرنے کا اپنا تجربہ بیان کرنا چاہتی ہیں۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Hadiqa Kiani (@hadiqakianiofficial)

حدیقہ کیانی نے لکھا کہ ایسے بہت ہی کم لوگ ہوتے ہیں جن کا ساتھ آپ کا روح کا رشتہ بن جاتا ہے اور بلال ایسے ہی چند افراد میں سے ایک ہیں، وہ پاکیزہ روح کے مالک ہیں۔

حدیقہ نے کہا کہ بلال عباس ایک محنتی، شریف اور اچھے اداکار ہیں جو فن کی بنیاد کو سمجھتے ہیں۔

حدیقہ کیانی نے مزید لکھا کہ انہیں بلال عباس کے ساتھ کام کرنے پر فخر ہے اور وہ ان کی مسلسل کامیابی کی منتظر اور دعاگو ہیں۔

گلوکارہ کی جانب سے بلال عباس کے ساتھ تصویر شیئر کیے جانے اور ان کی تعریفیں کرنے پر مداحوں نے ان کے لیے نیک خواہشات کا اظہار بھی کیا ہے۔

جبکہ زیادہ تر لوگوں نے دونوں کی جوڑی کو سراہتے ہوئے انہیں حقیقی زندگی کی جوڑی بھی قرار دیا یہی نہیں بلکہ مداحوں نے گلوکارہ کو اداکار سے شادی کرنے کی تجویز بھی دے دی۔

بعض لوگوں نے حدیقہ کیانی کی باتوں سے اتفاق کرتے ہوئے بلال عباس کی اداکاری اور ایمانداری کی تعریفیں کیں اور انہیں ’جینٹلمین‘ قرار دیا۔

بعض مداحوں نے حدیقہ کیانی کو مخاطب ہوتے ہوئے کہا کہ انہیں بلال عباس کے ساتھ حقیقت میں بھی شادی کر ہی لینی چاہیئے۔

خیال رہے کہ بلال عباس اور حدیقہ کیانی نے ہم ٹی وی پر نشر ہونے والے ڈرامے ’دوبارہ‘ میں میاں اور بیوی کا کردار ادا کیا ہے۔

ڈرامے میں حدیقہ کیانی کے پہلے شوہر فوت ہو جاتے ہیں اور وہ زائد العمر ہونے کے باوجود خود سے کئی سال کم عمر بلال عباس سے شادی کرتی ہیں۔