ڈائنامو کیف فٹ بال کلب جنگ زدہ یوکرین کے لئے فنڈ ریزنگ میچز کھیلے گا

ویب ڈیسک

13th Apr, 2022. 08:50 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ڈائنامو کیف فٹ بال کلب جنگ زدہ یوکرین کے لئے فنڈ ریزنگ میچز کھیلے گا

یوکرین کا مشہور فٹ بال کلب ڈائنامو کیف جنگ سے متاثر اپنے ملک کے لئے یورپ کے بہترین فٹ بال کلبز کے ساتھ فنڈ ریزنگ میچز کھیلے گا۔

ڈائنامو کیف فٹ بال کلب نے گزشتہ روز پولینڈ میں لیگیا وارسا کے خلاف دوستانہ میچ کھیل کر اپنے ملک کے لئے فنڈ ریزنگ شروع کر دی ہے۔

لیگیا وارسا کے خلاف میچ میں دونوں ٹیموں کے کھلاڑیوں نے یوکرینی جھنڈا اپنے اوپر لپیٹا، اور جنگ سے متاثرہ افراد کے لئے ایک منٹ کی خاموشی اختیار کی، اس میچ کو 20 ہزار افراد دیکھا۔

اس موقع پر شائقین نے یوکرین کی حمایت میں نعرے لگائے اور مختلف بینرز بھی آویزاں کئے، جبکہ گراؤنڈ کے ایک بڑے حصے پر ‘اسٹاپ دی وار‘ کے نام کا بڑا بینر بھی آویزاں تھا۔

یوکرین کی لیگ کی 16 مرتبہ کی چمپئین ڈائنامو کیف نے یہ امدادی میچ 3-1 سے جیتا۔

ڈائنامو کیف کے ترجمان نے میچ کے اختتام پر کہا کہ جمع کی گئی رقم ان لاکھوں یوکرینیوں کی مدد کرنے والی تنظیموں کو عطیہ کی جائے گی جو اپنے گھروں سے بھاگ گئے ہیں.

ترجمان نے مزید کہا کہ یورپ کے مشہور و معروف کلبز مانچسٹر سٹی، بارسلونا، پیرس سینٹ جرمین اور اے سی میلان کے ساتھ بھی امدادی میچز کھیلے جائیں گے۔